உயர்நீதிமன்றம் மற்றும் மேன்முறையீட்டு நீதிமன்ற நீதிபதிகளின் ஓய்வு பெறும் வயதை அதிகரிப்பதற்கான 22ஆவது அரசியலமைப்புத் திருத்த சட்டமூலம் நாளை (18) பாராளுமன்றத்தில் தாக்கல் செய்யப்படவுள்ளது. நீதி மற்றும் தேசிய ஒருமைப்பாட்டு அமைச்சர் ஹர்ஷன நாணயக்காரவினால் இந்த சட்டமூலம் சமர்ப்பிக்கப்படவுள்ளது. முன்மொழியப்பட்ட திருத்தத்தின்படி, உயர்நீதிமன்ற நீதிபதிகளின் ஓய்வு பெறும் வயது 65 இலிருந்து 67 ஆகவும், மேன்முறையீட்டு நீதிமன்ற நீதிபதிகளின் ஓய்வு பெறும் வயது 63 இலிருந்து 65 ஆகவும் அதிகரிக்கப்படவுள்ளது. நீதித்துறையில் ஏற்படும் தாமதங்களைக் குறைப்பதுடன், அனுபவமிக்க சிரேஷ்ட நீதிபதிகளின் சேவையைத் தொடர்ந்தும் பெற்றுக்கொள்வதே இந்தத் திருத்தத்தின் நோக்கம் என தெரிவிக்கப்பட்டுள்ளது. எனினும், இந்த சட்டமூலம் அரசியல் மற்றும் சட்டத்துறை வட்டாரங்களில் குறிப்பிடத்தக்க விவாதத்தை ஏற்படுத்தியுள்ளது. அரசியலமைப்பின் ஏற்பாடுகளின்படி, சட்டமூலம் பாராளுமன்றத்தில் சமர்ப்பிக்கப்பட்ட பின்னர் அதற்கு எதிராக உயர்நீதிமன்றத்தில் மனுத் தாக்கல் செய்ய 14 நாட்கள் அவகாசம் வழங்கப்படுகிறது.&nbsp; அவ்வாறு மனு தாக்கல் செய்யப்பட்டால், அதனைப் பரிசீலித்த உயர்நீதிமன்றம் தனது தீர்மானத்தை 3 முதல் 21 நாட்களுக்குள் பாராளுமன்றத்துக்கு அறிவிக்க வேண்டும்.

22ஆவது திருத்த சட்டமூலம் நாளை சபையில் தாக்கல்

22ஆவது திருத்த சட்டமூலம் நாளை சபையில் தாக்கல்

You may also like