மகாவலி ஆற்றின் வெருகல் ஆறு பாலத்திற்கு அருகில் நீராடச் சென்று நீரில் முழ்கிய மூவரின் சடலங்கள் இன்று (15) பிற்பகல் கண்டுபிடிக்கப்பட்டுள்ளன. தந்தை மற்றும் அவரது நான்கு மகன்கள் நேற்று (14) பிற்பகல் ஆற்றில் நீராடச் சென்றபோது நீரில் மூழ்கியுள்ளனர். இதில் தந்தையும் ஒரு மகனும் உயிர் தப்பிய நிலையில், மற்றைய மூன்று மகன்களும் நீரில் அடித்துச் செல்லப்பட்டு காணாமல் போயிருந்தனர். அவர்களில் மூவரின் சடலங்கள் இன்று மீட்கப்பட்டுள்ளன. இவ்வாறு உயிரிழந்தவர்கள் 35 மற்றும் 34 வயதுடைய நபர்கள் என அடையாளம் காணப்பட்டுள்ளனர். கொழும்பில் தொழில் நிமித்தம் தங்கியிருந்த நான்கு மகன்களும் சித்திரை புத்தாண்டுக்காகத் தமது சொந்த ஊருக்கு திரும்பியிருந்தமை குறிப்பிடத்தக்கது.

வெருகல் ஆற்றில் மூழ்கி மூவர் உயிரிழப்பு

வெருகல் ஆற்றில் மூழ்கி மூவர் உயிரிழப்பு

You may also like