மலையகத் தமிழ் மக்களின் சமூக நலத்திட்டங்களுக்காக வரவு செலவுத் திட்டத்தில் 13,000 மில்லியன் ரூபா ஒதுக்கப்படவில்லை என தமிழ் முற்போக்குக் கூட்டணியின் தலைவர் மனோ கணேசன் தெரிவித்துள்ளார். பெருந்தோட்டக் கைத்தொழில் துறைக்காக ஒதுக்கப்பட்ட நிதியை, மலையக மக்களின் சமூக நலத்திட்டங்களுக்கான நிதி எனக் கூறுவது தவறானது என அவர் குறிப்பிட்டுள்ளார். தேயிலை, இறப்பர், தென்னை மற்றும் பனை உள்ளிட்ட பெருந்தோட்டக் கைத்தொழில் துறைகளின் அபிவிருத்திக்காகவே இந்த நிதி ஒதுக்கப்பட்டுள்ளதாகவும், மலையக மக்களின் காணி, வீடு, கல்வி, சுகாதாரம், வேலைவாய்ப்பு உள்ளிட்ட அடிப்படைத் தேவைகளுக்காக விசேட நிதி ஒதுக்கீடு எதுவும் வழங்கப்படவில்லை என்றும் அவர் சுட்டிக்காட்டியுள்ளார். இது தொடர்பில் வெளியிட்டுள்ள விசேட அறிக்கையிலேயே மனோ கணேசன் இவ்வாறு தெரிவித்துள்ளார். மேலும், மலையக மக்களின் சமூக, பொருளாதார மற்றும் கலாசார நலன்களுக்காக உண்மையில் நிதி ஒதுக்கப்பட்டிருந்தால், வரவு செலவுத் திட்டத்தின்போதே ஜனாதிபதி அநுர குமார திஸாநாயக்கவை முதலில் பாராட்டியிருப்பேன் என்றும் அவர் தெரிவித்துள்ளார்.

மலையக மக்களின் நலன்களுக்காக 13,000 மில்லியன் ரூபா ஒதுக்கப்படவில்லை – மனோ எம்.பி.

மலையக மக்களின் நலன்களுக்காக 13,000 மில்லியன் ரூபா ஒதுக்கப்படவில்லை – மனோ எம்.பி.

You may also like