இங்கிலாந்து, அயர்லாந்து அணிகள் மோதிய முதல் டெஸ்ட் போட்டி லண்டனில் நடைபெற்றது.&nbsp; நாணய சுழற்சியில் வென்ற இங்கிலாந்து பந்துவீச்சை தேர்வு செய்தது.&nbsp; அதன்படி, முதலில் துடுப்பெடுத்தாட களமிறங்கிய அயர்லாந்து முதல் இன்னிங்சில் 172 ஓட்டங்களில் சுருண்டது.&nbsp; இங்கிலாந்து சார்பில் பிராட் 5 விக்கெட்டும், ஜேக் லீச் 3 விக்கெட்டும், மேத்யூ பாட்ஸ் 2 விக்கெட்டும் வீழ்த்தினர். இதையடுத்து, இங்கிலாந்து அணி முதல் இன்னிங்சில் களமிறங்கியது.&nbsp; தொடக்கம் முதல் இங்கிலாந்து வீரர்கள் அடித்து ஆடினர். ஜேக் கிராவ்லி 56 ஓட்டத்தில் அவுட்டானார். பென் டக்கெட் சதமடித்து 24 பவுண்டரி 1 சிக்சருடன் 182 ஓட்டங்களை விளாசினார். ஒல்லி போப் இரட்டை சதமடித்து 22 பவுண்டரி 3 சிக்சருடன் 205 ஓட்டங்கள் குவித்தார். ஜோ ரூட் 4 பவுண்டரி 1 சிக்சருடன் 56 ஓட்டங்கள் எடுத்து ஆட்டமிழந்தார். இறுதியில், இங்கிலாந்து அணி முதல் இன்னிங்சில் 4 விக்கெட்டுக்கு 524 ஓட்டங்கள் குவித்து டிக்ளேர் செய்தது. இதையடுத்து, 352 ஓட்டங்கள் பின்தங்கிய நிலையில், அயர்லாந்து அணி 2வது இன்னிங்சில் களமிறங்கியது.&nbsp; இரண்டாவது நாள் போட்டி நேர முடிவில் 3 விக்கெட்டுக்கு 97 ஓட்டங்கள் எடுத்திருந்தது. இந்நிலையில், மூன்றாம் நாள் போட்டி நேற்று நடைபெற்றது.&nbsp; ஹாரி டெக்டர் அரை சதமடித்து 51 ஓட்டத்தில் அவுட்டானார். மார்க் அடைர் 88 ஓட்டம் எடுத்து வெளியேறினார்.&nbsp; ஆண்டி மெக்பிரின் 86 ஓட்டம் எடுத்து ஆட்டமிழக்காமல் இருந்தார். இறுதியில், அயர்லாந்து 9 விக்கெட்டுக்கு 362 ஓட்டங்கள் எடுத்தது. இங்கிலாந்து சார்பில் ஜோஷ் டாங் 5 விக்கெட் வீழ்த்தினர்.&nbsp; தொடர்ந்து ஆடிய இங்கிலாந்து 2வது இன்னிங்சில் 12 ஓட்டம் எடுத்து அபார வெற்றி பெற்று 1-0 என தொடரை கைப்பற்றியது. ஒல்லி போப் ஆட்ட நாயகன் விருது வென்றார்.

அயர்லாந்துக்கு எதிரான டெஸ்ட் தொடரில் இங்கிலாந்து வெற்றி

அயர்லாந்துக்கு எதிரான டெஸ்ட் தொடரில் இங்கிலாந்து வெற்றி

You may also like