&nbsp;முல்லைத்தீவு - மாங்குளம் பொலிஸ் பிரிவிற்குட்பட்ட புலிமச்சிநாதிகுளம் பகுதியில் காணாமல் போன 43 வயது குடும்பஸ்தர் சடலமாக மீட்கப்பட்டுள்ளதாக பொலிஸார் தெரிவித்துள்ளனர்.&nbsp;இதுதொடர்பாக துரித விசாரணைகளை மேற்கொள்ளுமாறு வன்னி மாவட்ட பாராளுமன்ற உறுப்பினர் துரைராசா ரவிகரன் மாங்குளம் பொலிஸாரிடம் வலியுறுத்தியிருந்தார்.&nbsp;நேற்று (03) காணாமல் போன ஸ்ரீகாந்தனின் மேற்சட்டை மற்றும் கைத்தொலைபேசி புலிமச்சிநாதிகுளக் கட்டிலிருந்து மீட்கப்பட்டதுடன், சந்தேகத்திற்கிடமான சூழல்கள் காணப்பட்டன. உறவினர்களும் ஊர்மக்களும் இணைந்து தேடுதல் பணியில் ஈடுபட்ட போதிலும், அவரை கண்டறிய முடியவில்லை.&nbsp;இந்நிலையில், பாராளுமன்ற உறுப்பினர் ரவிகரன் இன்று (04) காலை காணாமல் போனவரின் வீட்டிற்கு சென்று குடும்பத்தார் மற்றும் உறவினர்களுடன் கலந்துரையாடி, ஒட்டுசுட்டான் பிரதேச செயலாளருடனும் இது தொடர்பாக பேசினார். பின்னர், மாங்குளம் பொலிஸ் நிலையத்தில் பொலிஸ் தலைமையக ஆய்வாளரை சந்தித்து, துரித விசாரணைகளை மேற்கொள்ள வேண்டியதன் அவசியத்தை வலியுறுத்தினார்.&nbsp;பொலிஸார் மற்றும் விசேட அதிரடிப்படையினர் உறவினர்கள், ஊர்மக்களுடன் இணைந்து தேடுதல் நடவடிக்கையை மேற்கொள்ள தயாரான நிலையில், ஸ்ரீகாந்தன் புலிமச்சிநாதிகுளத்தில் சடலமாக இனங்காணப்பட்டதாக ஊர்மக்கள் பாராளுமன்ற உறுப்பினருக்கு தொலைபேசி மூலம் தெரிவித்தனர்.&nbsp;இச்சம்பவம் தொடர்பாக மேலதிக விசாரணைகள் முன்னெடுக்கப்பட்டு வருவதாக தகவல்கள் தெரிவிக்கின்றன. விஜயரத்தினம் சரவணன்

காணாமல் போன குடும்பஸ்தர் சடலமாக மீட்பு

காணாமல் போன குடும்பஸ்தர் சடலமாக மீட்பு

You may also like