உயர் நீதிமன்ற நீதிபதிகள், விசேட தர நீதித்துறை அதிகாரிகள் மற்றும் ஏனைய தரங்களைச் சேர்ந்த நீதித்துறை அதிகாரிகளுக்கு தற்போது வழங்கப்படும் மாதாந்த தொழில்முறை கொடுப்பனவை 25,000 ரூபாவால் அதிகரிக்க முன்மொழியப்பட்டுள்ளது. இந்த அதிகரிப்பில் 50 சதவீதம் 2027ஆம் ஆண்டு ஜூலை மாதம் முதல் வழங்கப்படுவதுடன், எஞ்சிய 50 சதவீதம் 2028ஆம் ஆண்டு முதல் வழங்கப்படும். மேலும், 2027ஆம் ஆண்டு ஜூலை மாதம் முதல் நடைமுறைக்கு வரும் வகையில் பின்வரும் கொடுப்பனவு அதிகரிப்புகளும் முன்மொழியப்பட்டுள்ளன: * உத்தியோகபூர்வ வாகனங்களைப் பெறுவதற்குத் தகுதியுடைய நீதித்துறை அதிகாரிகளுக்கு வழங்கப்படும் மாதாந்த போக்குவரத்துக் கொடுப்பனவை 50,000 ரூபாவால் அதிகரித்தல். * தகுதியுடைய அதிகாரிகளுக்கு வழங்கப்படும் மாதாந்த சாரதி கொடுப்பனவை 25,000 ரூபாவிலிருந்து 50,000 ரூபாவாக அதிகரித்தல். * அரசாங்கத்தினால் உத்தியோகபூர்வ இல்லம் வழங்கப்படாத உயர் நீதிமன்ற நீதிபதிகள் மற்றும் ஏனைய நீதிபதிகள், சொந்தமாக அல்லது குத்தகை அடிப்படையில் வீடுகளைப் பெற்றுக்கொள்ளும்போது ஏற்படும் செலவினங்களைக் கருத்திற்கொண்டு, அவர்களுக்கு வழங்கப்படும் மாதாந்த வீட்டுக் கொடுப்பனவை 100 சதவீதத்தால் அதிகரித்தல்.

உயர் நீதிமன்ற நீதிபதிகள், நீதித்துறை அதிகாரிகளின் கொடுப்பனவுகள் அதிகரிப்பு

உயர் நீதிமன்ற நீதிபதிகள், நீதித்துறை அதிகாரிகளின் கொடுப்பனவுகள் அதிகரிப்பு

You may also like