நுவரெலியா, ஹோட்டன் சமவெளி உலக முடிவு பகுதியில் செல்பி எடுக்க முயன்ற போது, சுமார் 50 அடி பள்ளத்தில் தவறி விழ்ந்த கொழும்பு பல்கலைக்கழக மருத்துவ பீட மாணவி ஒருவர் பல மணிநேரப் போராட்டத்திற்குப் பின் உயிருடன் மீட்கப்பட்டுள்ளார். கொழும்பு பல்கலைக்கழகத்தைச் சேர்ந்த ஒரு குழுவினர் உலக முடிவு பகுதியைப் பார்வையிட சென்ற போதேஇ 23 வயதான குறித்த மாணவி தவறி வீழ்ந்துள்ளார். இதனையடுத்து அவர் மரக்கிளை ஒன்றில் தொங்கிக் கொண்டிருந்ததை வனப் பூங்காவின் சாரதி ஒருவர் அவதானித்துள்ளார். இதன்பின்னர், தனது உயிரையும் பொருட்படுத்தாமல் பள்ளத்தில் இறங்கி, மரக்கிளையில் தொங்கிய மாணவியை மீட்டு அருகிலிருந்த ஒரு பாறை ஒன்றில் பாதுகாப்பாக அமர வைத்தார். அதனைத் தொடர்ந்து பட்டிப்பொல பொலிஸார், இராணுவத்தின் 3ஆவது சிங்கப் படைப்பிரிவு, விசேட அதிரடிப்படையினர் மற்றும் வனவிலங்கு அதிகாரிகள் இணைந்து நடத்திய கூட்டு மீட்பு நடவடிக்கையின் மூலம் மாணவி பாதுகாப்பாக மேலே அழைத்து வரப்பட்டார். காப்பற்றாட்ட மாணவி மேலதிக சிகிச்சைக்காக நுவரெலியா மாவட்ட பொது வைத்தியசாலையில் சேர்க்கப்பட்டுள்ளார்.

உலக முடிவு பகுதியில் தவறி வீழ்ந்த மாணவி காப்பாற்றப்பட்டார்

உலக முடிவு பகுதியில் தவறி வீழ்ந்த மாணவி காப்பாற்றப்பட்டார்

You may also like