ஜனாதிபதி செயலகத்திற்கு முன்னால் ஜனாதிபதி பணிப்பாளர் நாயகம் பிரபாத் சந்திரகீர்த்தி மற்றும் மகா சங்கத்தினருக்கு இடையில் சற்றுமுன்னர் இடம்பெற்ற பேச்சுவார்த்தை எவ்வித உடன்பாடும் இன்றி நிறைவடைந்தது. 'சுதந்திரத்திற்கான பாதயாத்திரையில்' கலந்துகொண்ட பிக்குகளை சந்திக்க வந்த ஜனாதிபதி பணிப்பாளர் நாயகம், பிக்குகளின் கோரிக்கையை நிறைவேற்ற சிறிது காலம் செல்லும் எனக் குறிப்பிட்டார். "அந்தக் காலத்தை ஜனாதிபதியாலோ அல்லது என்னாலோ கூற முடியாது. அது நீண்ட காலம் அல்ல. இந்தக் கோரிக்கையை நாட்டின் சட்டத்திற்கு அமைவாகவே செயல்படுத்த வேண்டும், அதற்கு சட்டப்பூர்வ நடைமுறை ஒன்று உள்ளது. ஜனாதிபதி பொதுமன்னிப்பு என்பது அரசியலமைப்புக்கு உட்பட்டது. சட்ட நடைமுறைகள் சரியான முறையில் செய்யப்பட வேண்டும். நாட்டின் சட்ட நிலவரத்திற்கு ஏற்ப நடவடிக்கைகள் எடுக்கப்படும்" என இதன்போது ஜனாதிபதி பணிப்பாளர் நாயகம் தெரிவித்தார். ஜனாதிபதி பணிப்பாளர் நாயகம் இன்று (15) இரவு 7.04 மணியளவில் அவ்விடத்திற்கு வருகை தந்தார்.குறித்த பேச்சுவார்த்தை தோல்வியடைந்ததைத் தொடர்ந்து, தாம் அவ்விடத்தை விட்டு வெளியேறாமல் தொடர்ந்து அங்கேயே தங்கியிருக்கப் போவதாக மகா சங்கத்தினர் தெரிவித்துள்ளனர். இதன்போது, நாளை விடியும் வரை அவ்விடத்திலேயே தங்கியிருந்து பிரித் பாராயணம் செய்யவுள்ளதாக மகா சங்கத்தினர் தெரிவித்தனர்.கலபொடஅத்தே ஞானசார தேரரை விடுவிக்குமாறு கோரி ஆரம்பிக்கப்பட்ட 'சுதந்திரத்திற்கான பாதயாத்திரையில்' கலந்துகொண்ட பிக்குகள் உள்ளிட்ட குழுவினர் இன்று (15) மாலை ஜனாதிபதி செயலகத்திற்கு அருகில் கூடாரங்களை அமைத்து முகாமிட்டிருந்தனர்.மேலும் பிக்குகள் ஜனாதிபதி செயலகத்திற்கு முன்னால் தரையில் அமர்ந்திருப்பதை காணக்கூடியதாக இருந்தது."ஞானசார தேரரை விடுவிக்கவும் - காவி உடைக்கு கைவைக்காதே" என்ற தலைப்பில் இடம்பெற்ற சுதந்திரத்திற்கான பாதயாத்திரையில் 3000க்கும் மேற்பட்ட பிக்குகள் கலந்துகொண்டதாக எமது செய்தியாளர்கள் தெரிவித்தனர்.இந்த பாதயாத்திரை ஆறாவது நாளாக இன்று (15) கடவத்த நகரத்திலிருந்து ஆரம்பிக்கப்பட்டு கொழும்பை வந்தடைந்தது.

மகா சங்கத்தினருக்கும் ஜனாதிபதி பணிப்பாளர் நாயகத்திற்கும் இடையிலான பேச்சு தோல்வி!

மகா சங்கத்தினருக்கும் ஜனாதிபதி பணிப்பாளர் நாயகத்திற்கும் இடையிலான பேச்சு தோல்வி!

You may also like