நீர்கொழும்பு சிறைச்சாலையில் இன்று காலை (06) ஏற்பட்ட வன்முறை மோதல்களில் 5 சிறைச்சாலை அதிகாரிகள் மற்றும் 20 கைதிகள் உட்பட குறைந்தது 25 பேர் உயிரிழந்துள்ளதாக நீர்கொழும்பு பொது வைத்தியசாலையின் பணிப்பாளர், கன்சல்டன்ட் வைத்தியர் புஷ்பா கம்லத் உறுதிப்படுத்தியுள்ளார். இந்தச் சம்பவத்தில் சுமார் 100 பேர் காயமடைந்து நீர்கொழும்பு பொது வைத்தியசாலையில் அனுமதிக்கப்பட்டுள்ளனர். அவர்களில் பலத்த காயமடைந்த எட்டு பேர் மேலதிக சிகிச்சைக்காகக் கொழும்பு தேசிய வைத்தியசாலைக்கு மாற்றப்பட்டுள்ளனர். கைதிகள் சிறைச்சாலையின் பிரதான நுழைவாயில் வழியாக வெளியேற முற்பட்டபோது, இன்று காலை சிறைச்சாலைக்குள் மீண்டும் பதற்றம் ஏற்பட்டது. நிலைமையைக் கட்டுப்பாட்டுக்குள் கொண்டுவருவதற்காக பொலிஸார் மற்றும் விசேட அதிரடிப்படையினர் (STF) பணியமர்த்தப்பட்டனர். சிறைச்சாலைக்குள் பாதுகாப்புப் படையினர் நிலைமையைக்கட்டுப்படுத்த முற்பட்டபோது பல துப்பாக்கிச் சூட்டுச் சத்தங்கள் கேட்டதாக சம்பவ இடத்தில் உள்ள அத தெரண செய்தியாளர்கள் தெரிவித்தனர். காலை 10:00 மணியளவில் அதிகரித்த இந்த வன்முறை காரணமாக, பாரிய அளவிலான பாதுகாப்பு நடவடிக்கைகள் முன்னெடுக்கப்பட்டன. இந்த நடவடிக்கையின் போது பல சிறைச்சாலை அதிகாரிகள் காயமடைந்து வைத்தியசாலையில் அனுமதிக்கப்பட்டனர். அதன்பின்னர், ஒழுங்கை நிலைநாட்ட பாதுகாப்புப் படையினர் சிறைச்சாலை வளாகத்திற்குள் நுழைந்தனர்.நிலைமையை வான்வழியாகக் கண்காணிப்பதற்காக இலங்கை விமானப்படை இரண்டு ட்ரோன்களைப் பயன்படுத்தியதுடன், ஒரு பெல் 412 ஹெலிகொப்டரையும் அப்பகுதிக்கு அனுப்பியதாக விமானப்படை அதிகாரிகள் தெரிவித்தனர். நிலைமையைத் தொடர்ந்து கட்டுப்பாட்டில் வைத்திருக்க அதிகாரிகள் முயற்சித்து வருவதால், சிறைச்சாலையைச் சுற்றியுள்ள பாதுகாப்பை பலப்படுத்த மேலதிக இராணுவத்தினர் பணியமர்த்தப்பட்டுள்ளனர்.

சிறைச்சாலை அசம்பாவிதம் :13 பேர் கவலைக்கிடம்!

சிறைச்சாலை அசம்பாவிதம் :13 பேர் கவலைக்கிடம்!

You may also like