மேற்கு ஆசியாவின் யுத்தச்சூழல் காரணமாக தொழில் இழப்பு ஏற்படுமென உரிமம் பெற்ற வெளிநாட்டு வேலைவாய்ப்பு முகவர் அமைப்பு தெரிவித்துள்ளது. அதேவேளை, அவ்வாறு ஏதும் தொழில் இழப்பு இல்லையெனவும் பணியாளர்கள் நாட்டைவிட்டுச் செல்வது தாமதப்படுத்தப்பட்டுள்ளமை மட்டுமே நடப்பதாகவும் இலங்கை வெளிநாட்டு வேலைவாய்ப்புப் பணியகம் தெரிவித்துள்ளது. 80 வீதத்திலிருந்து 90 வீதம் வரை வருடாந்த வெளிநாட்டு வேலைவாய்ப்பு மேற்கு ஆசியாவிலேயே தங்கியுள்ளதென உரிமம் பெற்ற வெளிநாட்டு வேலைவாய்ப்பு முகவர் அமைப்பின் செயலாளர் எம்.எவ்.எம்.அர்சாத் தெரிவித்தார். ஒவ்வொரு வருடமும் அதிகார ரீதியாக 3,00,000 பேர் வேலை பெற்று மேற்கு ஆசியா செல்கின்றனர். இவர்களில் 2,30,000 பேர் வேலையை இழக்கும் சூழல் ஏற்படும். மேற்கு ஆசியாவில் வேலைவாய்ப்பைப் பெற்ற பலர் அச்ச உணர்வு காரணமாகப் பின்வாங்குகின்றனர். அரசாங்கம் இவர்களுக்கு பாதுகாப்பு ஏற்பாட்டை மேற்கொள்ள வேண்டும். அத்துடன், தொழில் பெற்றோர் சற்று பொறுமை காக்க வேண்டும். அதேசமயம், வெளிநாட்டு வருவாய் வீழ்ச்சியடையும். சென்ற வருடம் (2025) வெளிநாடு வாழ் தொழிலாளர் அனுப்பிய அந்நிய செலாவணி 8 பில்லியன் அமெரிக்க டொலராகும். முன்னதாக அளிக்கப்பட்ட வேலைவாய்ப்புகள் ஏற்கனவே அற்றுப்போயுள்ளன. வேலைக்குத் தெரிவுசெய்யப்பட்டவர்கள் பின்வாங்குகிறார் களென தொழில் வழங்குநர்கள் முகவர்களிடம் தெரிவித்துள்ளனரென அர்சாத் மேலும் தெரிவித்தார். இது கொரோனா காலத்தின் நிலைப் பாடு போன்றது. சிலர் வேலை முடிவுறுத்தப்படுகிறார்கள். சிலர் அவர்களின் விருப்பத்தின் பேரில் நாடு திரும்புகின்றார்கள். இவ்வாறு செயற்படுவோருக்கு இழப்பீடு கிடைக்க வாய்ப்பில்லை. பொதுவாக வேலை முடிவுறுத்தப்படுவோருக்கு பின்னொரு நாளில் இழப்பீடு வழங்கப்படல் வேண்டும்.மேற்கு ஆசியாவில் தொழில்புரிவோர் மிகவும் சிக்கலான எதிர்காலத்தை எதிர்நோக்க வேண்டியுள்ளது. இது நீண்டகால தொழில் வாய்ப்பைப் பாதிக்குமெனவும் அவர் மேலும் தெரிவித்தார்.

ஈரான் போரால் தொழில் இழப்பு வெளியானது எச்சரிக்கை

ஈரான் போரால் தொழில் இழப்பு வெளியானது எச்சரிக்கை

You may also like