தமிழகத்தின் தாராபுரம் சட்டப்பேரவைத் தொகுதி இடைத்தேர்தலில் தமிழக வெற்றிக் கழக வேட்பாளர் சத்தியபாமா 9,471 வாக்குகள் வித்தியாசத்தில் வெற்றிபெற்றுள்ளார். தாராபுரம் தொகுதிக்கான இடைத்தேர்தல் வாக்குப்பதிவு கடந்த ஒக்டோபர் 6ஆம் திகதி 320 வாக்குச்சாவடி மையங்களில் நடைபெற்றது. இதனைத் தொடர்ந்து, பதிவான வாக்குகள் இன்று (09) காலை 8 மணி முதல் திருப்பூர் எல்ஆர்ஜி அரசு மகளிர் கலைக் கல்லூரியில் அமைக்கப்பட்ட வாக்கு எண்ணும் மையத்தில் எண்ணப்பட்டன. மொத்தம் 23 சுற்றுகளாக நடைபெற்ற வாக்கு எண்ணிக்கை நிறைவடைந்ததைத் தொடர்ந்து, த.வெ.க. வேட்பாளர் சத்தியபாமா 66,841 வாக்குகளைப் பெற்று வெற்றியீட்டியுள்ளார். திமுக வேட்பாளர் சுகன்யா 57,370 வாக்குகளைப் பெற்று இரண்டாவது இடத்தையும், அதிமுக வேட்பாளர் பானுமதி 45,280 வாக்குகளைப் பெற்று மூன்றாவது இடத்தையும் பிடித்துள்ளனர். இதன்படி, தி.மு.க. வேட்பாளர் சுகன்யாவை விட 9,471 வாக்குகள் அதிகமாகப் பெற்று சத்தியபாமா வெற்றிபெற்றுள்ளார்.

தாராபுரம் இடைத்தேர்தலில் த.வெ.க. வேட்பாளர் சத்தியபாமா வெற்றி!

தாராபுரம் இடைத்தேர்தலில் த.வெ.க. வேட்பாளர் சத்தியபாமா வெற்றி!

You may also like