ஐ.சி.சி. ஆடவர் டி20 உலகக்கிண்ண &nbsp;தொடரில் விளையாட முதல் முறையாக வாய்ப்பு பெற்றிருக்கும் இத்தாலி அணியை அந்நாட்டு கிரிக்கெட்சபை அறிவித்துள்ளது. &nbsp; ஐ.சி.சி .ஆடவர் டி20 உலகக்கிண்ண &nbsp;கிரிக்கெட் தொடர் எதிர்வரும் பெப்ரவரி 7ஆம் திகதி &nbsp;முதல் இலங்கை மற்றும் இந்தியாவில் நடைபெறவுள்ளது. &nbsp; மொத்தம் 20 அணிகள் பங்கேற்கும் இந்த தொடரில் எந்த அணி சம்பியன் பட்டத்தை வெல்லும் என்ற எதிர்பார்ப்பு ரசிகர்கள் மத்தியில் நாளுக்கு நாள் அதிகரித்து வருகிறது. இதனையடுத்து தொடரில் பங்கேற்கும் அணிகளை அந்தந்த நாட்டு கிரிக்கெட் சபைகள் &nbsp;அறிவித்து வருகின்றன.&nbsp; அதன்படி இத்தாலி அணியை அந்நாட்டு கிரிக்கெட்சபை அறிவித்துள்ளது.இந்த அணியின் அணித்தலைவராக&nbsp;தென்னாபிரிக்காவைச் சேர்ந்த முன்னாள் ஹொக்கி வீரர் வெய்ன் மேட்சன் நியமிக்கப்பட்டுள்ளார்.&nbsp; முன்னதாக இவர் தென்னாபிரிக்க தேசிய ஹொக்கி அணிக்காக விளையாடி வந்த நிலையில் தற்சமயம் இத்தாலி அணிக்காக சர்வதேச கிரிக்கெட்டில் விளையாடி வருகிறார்.&nbsp; அதேசமயம் பெரிதும் எதிர்பார்க்கப்பட்ட அவுஸ்திரேலிய அணியின் முன்னாள் வீரரும், சர்வதேச கிரிக்கெட்டில் இத்தாலி அணியை வழிநடத்தியவருமான ரோரி பர்ன்ஸுக்கு உலகக்கிண்ண &nbsp;அணியில் வாய்ப்பு வழங்கப்படாதது பலரையும் ஆச்சரியத்தில் ஆழ்த்தியுள்ளது. &nbsp; ஏனெனில் ரோரி பர்ன்ஸ் தலைமையில் தான் இத்தாலி அணி உலகக்கிண்ண &nbsp;தொடருக்கான தகுதிச் சுற்றில் தேர்ச்சி பெற்றிருந்த நிலையில், தற்போது அவருக்கே அணியில் இடம் கொடுக்கப்படவில்லை.&nbsp; இருப்பினும் தென்னாபிரிக்க அணியின் முன்னாள் வீரர் ஜே.ஜே ஸ்மட்ஸுக்கு இந்த அணியில் இடம் கிடைத்துள்ளது. ஜே.ஜே ஸ்மட்ஸ் தென்னாப்பிரிக்க அணிக்காக சர்வதேச கிரிக்கெட்டில் கடந்த 2017ஆம் ஆண்டு அறிமுகமானார். &nbsp; மேலும் அவர் அந்த அணிக்காக 6 ஒருநாள் போட்டிகள், 13 டி20 போட்டிகளில் விளையாடியுள்ளார். பின் 2021ஆம் ஆண்டிற்கு பின் அவருக்கு தென்னாபிரிக்க அணியில் வாய்ப்பு கிடைக்காததால், தற்சமயம் இத்தாலி அணிக்காக விளையாடி வருகிறார் என்பது குறிப்பிடத்தக்கது. &nbsp; நடப்பு உலகக்கிண்ண &nbsp;தொடரில் இத்தாலி அணியானது இங்கிலாந்து, நேபாளம், வெஸ்ட் இண்டீஸ் மற்றும் பங்களாதேஷ் &nbsp;அணிகளுடன் இணைந்து குரூப் சி பிரிவில் இடம் பிடித்துள்ளது. &nbsp; இதில் பெப்ரவரி 9ஆம் திகதி &nbsp;தங்களுடைய முதல் லீக் போட்டியில் பங்களாதேஷை &nbsp;எதிர்கொள்ளும் இத்தாலி அணி, அதனைத் தொடர்ந்து நேபாளம் , இங்கிலாந்து மற்றும் வெஸ்ட் இண்டீஸ் அணிகளை எதிர்கொள்ள இருப்பது குறிப்பிடத்தக்கது. &nbsp;

டி20 உலகக்கிண்ணத்திற்கான இத்தாலி அணி அறிவிப்பு

டி20 உலகக்கிண்ணத்திற்கான இத்தாலி அணி அறிவிப்பு

You may also like