&nbsp;மன்னார் – தலைமன்னார் பிரதான வீதி,பேசாலை நடுக்குடா கடற்கரை பகுதியில் கரை தட்டிய கப்பலை மீட்டுச் செல்வதற்காக இந்தியாவில் இருந்து கப்பல் ஒன்று இன்று சனிக்கிழமை (8) மாலை வரள்ளதாக இலங்கை கடற்படை பேச்சாளர் தெரிவித்துள்ளார்.&nbsp;மாலைதீவில் இருந்து இந்தியாவின் தூத்துக்குடி நோக்கி கொள்கலன் தாங்கியை இழுத்துக்கொண்டு வந்த கப்பல் ஒன்று இயந்திர கோளாறு காரணமாக மன்னார் பேசாலை நடுக்குடா பகுதியில் நேற்று வெள்ளிக்கிழமை (7) மாலை கரை தட்டி உள்ளது.&nbsp;இதன்போது, குறித்த கப்பலில் 11 பணியாளர்கள் இருந்ததாக கடற்படை ஊடகப் பிரிவு தெரிவித்துள்ளது.&nbsp;குறித்த விடயம் குறித்து இந்தியாவின் கப்பல் நிறுவனத்திற்கு அறிவித்துள்ளதாகவும், கடற்படை பேச்சாளர் தெரிவித்தார்.&nbsp;இதற்கமைவாக குறித்த நிறுவனமும் கடற்படையும்,சமுத்திரவியல் சேவை மற்றும் மீட்புப் பணியகம் ஆகியவை இணைந்து நடவடிக்கைகளை முன்னெடுத்து வருவதாகவும் தெரிவிக்கப்படுகின்றது.&nbsp;இந்தியாவில் இருந்து மாலைதீவுக்கு பொருட்களை கொண்டு சென்ற பாஜ் என அழைக்கப்படும் கொள்கலன் தாங்கி மீண்டும் கப்பல் ஒன்றின் மூலம் இந்தியாவை நோக்கி கொண்டு சென்ற போதே இலங்கை கடற்பரப்பில் கரை தட்டியது.&nbsp;87 மீற்றர் நீளம் கொண்ட குறித்த கொள்கலன் தாங்கி எந்த வித பொருட்களும் அற்ற நிலையில் கப்பல் மூலம் இழுத்து வரப்பட்டது.&nbsp;இதன் போது கடல் பிராந்தியத்தில் வீசிய கடும் காற்று, அலையின் சீற்றம் காரணமாக குறித்த கப்பல் மற்றும் கொள்கலன் தாங்கி ஆகியவை இலங்கை கடற்பரப்பை நோக்கி இழுத்து வரப்பட்டிருக்கலாம் என கடற்படையினர் தெரிவித்தனர்.&nbsp;இந்நிலையில் குறித்த கப்பல் மற்றும் பாஜ் என அழைக்கப்படும் 87 மீற்றர் நீளம் கொண்ட கொள்கலன் ஆகியவற்றை மீட்டுச் செல்வதற்காக இந்திய கப்பல் ஒன்று இன்று மாலை இலங்கையை வந்தடைய உள்ளது.&nbsp;குறித்த கப்பல் நாட்டை வந்தடைந்த பின்னரே எவ்வாறான நடவடிக்கைகளை முன்னெடுக்க முடியும் என தீர்மானிக்கலாம் என கடற்படை பேச்சாளர் மேலும் குறிப்பிட்டுள்ளார்.

Update :- கரை தட்டிய கப்பலை மீட்க வரும் இந்திய கப்பல்

Update :- கரை தட்டிய கப்பலை மீட்க வரும் இந்திய கப்பல்

You may also like