போதைப்பொருள் கடத்தலில் ஈடுபட்ட தாயும் மகளும் கைது செய்யப்பட்டுள்ளதாக மில்லனிய பொலிஸார் தெரிவித்துள்ளனர். இவ்வாறு கைது செய்யப்பட்டவர்கள் ஹல்தோடயிடையில் உள்ள கெலஸ்கமுவ பகுதியைச் சேர்ந்தவர்கள். மில்லனிய நோக்கி மோட்டார் சைக்கிளில் சென்றுகொண்டிருந்த பெண்ணை பொலிஸ் அதிகாரிகள் வழிமறித்துள்ளனர். சோதனை செய்தததில் 15 பொதிகளில் போதைப்பொருளும் போதைப்பொருள் விற்பனை மூலம் கிடைத்ததாக சந்தேகிக்கப்படும் ரூபா 51,570 பணத்தையும் அதிகாரிகள் பறிமுதல் செய்துள்ளனர். அவரிடம் நடத்தப்பட்ட விசாரணையில் கிடைத்த தகவல்களின் அடிப்படையில், பொலிஸ் குழுவினர் கெலஸ்கமுவவில் உள்ள அவரது வீட்டில் சோதனை நடத்தியுள்ளனர். அதிகாரிகளைக் கண்டதும் குறித்த பெண்ணின் தாய் தப்பிச் செல்ல முயன்றுள்ளார். ஆனால் அதைத் தொடர்ந்து நடத்தப்பட்ட சோதனையில் அவரிடமிருந்து 2,220 மில்லிகிராம் ஹெராயின் கண்டுபிடிக்கப்பட்டது. விசாரணையில், அந்த இளம் பெண்ணின் அண்ணனும், தாயின் இரண்டாவது கணவரும் இதேபோன்ற போதைப்பொருள் தொடர்பான குற்றச்சாட்டுகளின் பேரில் தற்போது விளக்கமறியலில் சிறையில் இருப்பது தெரியவந்துள்ளது. சந்தேகத்திற்குரிய இரண்டு பெண்களும் நீதிமன்றத்தில் ஆஜர்படுத்தப்பட்டு, அவர்களை நீதிமன்றக் காவலில் வைக்க உத்தரவிடப்பட்டுள்ளது.

போதைப்பொருள் வியாபாரத்தில் ஈடுபட்ட தாயும் மகளும் கைது

போதைப்பொருள் வியாபாரத்தில் ஈடுபட்ட தாயும் மகளும் கைது

You may also like