நிகவெரட்டிய வைத்தியசாலையில் பொலிஸ் காவலில் இருந்த சந்தேகநபர் ஒருவர் உயிரிழந்த சம்பவம் தொடர்பில், கொபேய்கனே பொலிஸ் நிலையத்தைச் சேர்ந்த இரண்டு பொலிஸ் சார்ஜன்ட்களும் ஒரு பொலிஸ் கான்ஸ்டபிளும் பணியிடை நீக்கம் செய்யப்பட்டுள்ளனர். கடமை தவறியமைக்காகவே குறித்த மூன்று பொலிஸ் அதிகாரிகளும் பணியிடை நீக்கம் செய்யப்பட்டுள்ளதாகப் பொலிஸ் பேச்சாளர் தெரிவித்துள்ளார். கொபேய்கனே, பெத்தேகம பகுதியில் இடம்பெற்ற பல திருட்டுச் சம்பவங்களுடன் தொடர்புடையவர் எனச் சந்தேகிக்கப்படும் நபர் ஒருவரை பிரதேச மக்கள் பிடித்து பொலிஸாரிடம் ஒப்படைத்துள்ளனர். இதனையடுத்து, பொலிஸ் காவலில் வைக்கப்பட்டிருந்த குறித்த நபர் வைத்தியசாலையில் சேர்க்கப்பட்ட நிலையில், கடந்த 27ஆம் திகதி உயிரிழந்துள்ளார். இந்தச் சம்பவம் தொடர்பில் விசாரணைகள் முன்னெடுக்கப்பட்டு வரும் நிலையில், கடமை தவறியதாகக் கூறப்படும் மூன்று பொலிஸ் அதிகாரிகளுக்கும் எதிராகப் பணியிடை நீக்க நடவடிக்கை எடுக்கப்பட்டுள்ளது.

பொலிஸ் காவலில் சந்தேகநபர் உயிரிழப்பு: மூன்று பொலிஸ் அதிகாரிகள் பணியிடை நீக்கம்

பொலிஸ் காவலில் சந்தேகநபர் உயிரிழப்பு: மூன்று பொலிஸ் அதிகாரிகள் பணியிடை நீக்கம்

You may also like