ஈரான் மீது மேற்கொண்ட போர் நடவடிக்கைகளில் மொத்தம் 13,000-க்கும் மேற்பட்ட இலக்குகள் தாக்கப்பட்டதாகவும் இதன் காரணமாக அமெரிக்க இராணுவ முகாம்களில் ஆயுத கையிருப்பு குறைந்​துள்​ளதாகவும் அமெரிக்க இராணுவம் தெரிவித்துள்ளது. இந்​நிலை​யில் அமெரிக்க இராணுவம் கூறிய​தாவது: ஈரானில் மொத்​தம் 13,000-க்​கும் மேற்​பட்ட இலக்​கு​களைத் தாக்​கினோம். ஈரான் போரில் 1,000க்​கும் மேற்​பட்ட டொமஹாக் ஏவு​கணை​கள் பயன்​படுத்​தப்​பட்​டன. இது அமெரிக்க இராணுவம் ஒவ்​வொரு ஆண்​டும் வாங்​கும் எண்ணிக்​கையை விட 10 மடங்​கும் அதி​கம். ஒரு டொமஹாக் ஏவுகணையின் விலை 3.6 மில்​லியன் டொலர். இவை தொலை​தூர இலக்​கு​களைத் தாக்​கும் திறன் படைத்தவை. ஈரான் போரில் 1,000-க்​கும் மேற்பட்ட டொமஹாக் ஏவுகணை பயன்​படுத்​தப்​பட்​ட​தால், அமெரிக்கா​வின் டொமஹாக் ஏவுகணையின் கையிருப்பு 3,000-​மாக குறைந்​துள்​ளது. இதே​போல், எதிரி விமானங்​கள் மற்​றும் ஏவு​கணை​களை நடு​வானில் இடைமறித்து அழிக்க 1,200 பேட்​ரி​யாட் ஏவு​கணை​களை ஈரான் போரில் அமெரிக்கா பயன்​படுத்​தி​யது. இதன் விலை 4 மில்​லியன் டொலருக்கு மேலாகும். கடந்தாண்​டில் 600 பேட்​ரி​யாட் ஏவு​கணை​களை மட்​டுமே அமெரிக்கா உற்​பத்தி செய்​தது. மேலும், வானில் இருந்து தரை இலக்​கு​களை தாக்​கும் 1,100 (ஜாஸ்​மர்) ஏவு​கணை​களை​யும் அமெரிக்க இராணுவம் ஈரான் போரில் பயன்​படுத்தி​யது. இதன் காரண​மாக இந்த வகை ஏவு​கணை​கள் அமெரிக்க இராணுவத்​தில் தற்​போது 1,500 மட்​டுமே இருப்பில் உள்​ளது. இது 600 மைல் தூர​முள்ள இலக்​கு​களைத் தாக்கும். இதன் விலை 1.1 மில்​லியன் டொலர். 1,000-க்​கும் மேற்​பட்ட ஏடிஏசிஎம்​எஸ் என்ற தரை இலக்குகளைத் தாக்​கும் ஏவுகணை​களை​யும் ஈரான் போரில் அமெரிக்கா பயன்​படுத்​தி​யது. இவ்​வாறு அமெரிக்க இராணுவம் கூறி​யுள்​ளது. ஈரான் போர் காரண​மாக ஆசி​யா, மத்​திய கிழக்கு மற்​றும் ஐரோப்​பிய நாடு​களில் உள்ள அமெரிக்க இராணுவ முகாம்களில் ஆயுத கையிருப்பு குறைந்​துள்​ளது. ஈரானின் விலை குறைந்த ட்ரோன் தாக்​குதலை சமாளிக்க, அமெரிக்கா அதிக விலை​யுள்ள பேட்ரியாட் ரக ஏவுகணைகளைப் பயன்​படுத்​தி​யது. காலி​யான ஆயுதங்​களை மீண்​டும் வாங்க கூடு​தல் நிதி ஒதுக்க வேண்​டும் என அமெரிக்க பாராளு​மன்​றத்​தில் பென்​டகன்​ கோரிக்​கை விடுத்​துள்​ளது. இதற்​கு வெகு நாட்​களாகும்​ எனத்​ தெரிகின்றது.

அமெரிக்க இராணுவ ஆயுத கையிருப்பு வீழ்ச்சி

அமெரிக்க இராணுவ ஆயுத கையிருப்பு வீழ்ச்சி

You may also like