கலகொட அத்தே ஞானசார தேரரை விடுதலை செய்யக் கோரி போராட்டத்தில் ஈடுபட்டுள்ள பௌத்த பிக்குகள் குழுவினர், கொழும்பு விகார மகாதேவி பூங்காவில் தங்கியுள்ளதாகத் தெரிவிக்கப்பட்டுள்ளது. இன்று (16) நண்பகல் வரை ஜனாதிபதி செயலகத்திற்கு முன்னால் தங்கியிருந்த பிக்குகள், பின்னர் புத்தசாசன அமைச்சுக்குச் சென்று அமைச்சின் செயலாளருடன் கலந்துரையாடலில் ஈடுபட்டுள்ளனர். எனினும், தங்களது கோரிக்கைகளுக்குத் தீர்வு கிடைக்கும் வரை விகார மகாதேவி பூங்காவில் தங்கியிருக்கப் போவதாக பலாங்கொட கஸ்ஸப தேரர் தெரிவித்துள்ளார். ஞானசார தேரரை விடுதலை செய்யக் கோரி, கண்டியில் உள்ள புனித தந்ததாது ஆலய வளாகத்திலிருந்து கடந்த 10ஆம் திகதி ஆரம்பிக்கப்பட்ட பேரணியில் பங்கேற்ற பிக்குகள், நேற்று (15) பிற்பகல் ஜனாதிபதி செயலகத்தை வந்தடைந்தனர். ஞானசார தேரரின் விடுதலை தொடர்பில் அரசாங்கம் தெளிவான பதிலை வழங்க வேண்டும் என அவர்கள் கோரிக்கை விடுத்தனர். இதையடுத்து, ஜனாதிபதியின் செயலாளர் உள்ளிட்ட அதிகாரிகள் போராட்ட இடத்திற்குச் சென்றபோதிலும், இறுதித் தீர்வு எட்டப்படவில்லை எனத் தெரிவிக்கப்படுகிறது. பின்னர், ஜனாதிபதி செயலகத்திற்கு முன்னால் தற்காலிக கூடாரங்களை அமைக்க முயன்றபோது பொலிஸாருடன் பதற்றமான சூழல் ஏற்பட்டது. இதற்கிடையில், கோட்டை நீதிவான் நீதிமன்றம் பிறப்பித்த உத்தரவு தொடர்பில் பொலிஸார் போராட்டக்காரர்களுக்கு அறிவித்தனர். இதனைத் தொடர்ந்து, பிக்குகள் ஜனாதிபதி செயலகத்திற்கு முன்னாலிருந்து வெளியேறி, விகார மகாதேவி பூங்காவில் தங்கியுள்ளதாகத் தெரிவிக்கப்பட்டுள்ளது.

ஞானசார தேரரை விடுவிக்கக் கோரி விகார மகாதேவி பூங்காவில் பிக்குகள் முகாம்!

ஞானசார தேரரை விடுவிக்கக் கோரி விகார மகாதேவி பூங்காவில் பிக்குகள் முகாம்!

You may also like