ரி20 உலகக் கிண்ண கிரிக்கெட் தொடரின்&nbsp;இந்தியா - பங்களாதேஷ் அணிகள் மோதிய இன்றைய சூப்பர் 8 சுற்று போட்டியில் நாணயசுழற்சியில் வென்ற பங்களாதேஷ் அணி முதலில் பந்துவீசுவதாக அறிவித்தது. இதையடுத்து இந்திய அணியின் தொடக்க வீரர்களாக ரோகித் மற்றும் விராட் ஆகியோர் களம் இறங்கினர். இதில் ரோகித் 23 ஓட்டங்கள் எடுத்த நிலையில் ஆட்டமிழக்க இதையடுத்து விராட் உடன் ரிஷப் பண்ட் ஜோடி சேர்ந்தார். இருவரும் நிதானமாக ஆடி ஓட்டங்களை சேர்த்தனர். இதில் விராட் 37 ஓட்டங்களிலும், பண்ட் 36 ஓட்டங்களிலும் அடுத்து வந்த சூர்யகுமார் யாதவ் 6 ஓட்டங்களிலும் அடுத்தடுத்து ஆட்டமிழந்தனர். இதையடுத்து ஷிவம் துபே மற்றும் பாண்ட்யா ஜோடி சேர்ந்தனர். இதில் அதிரடியாக ஆடிய துபே 34 ஓட்டங்கள் எடுத்த நிலையில் ஆட்டமிழக்க இதையடுத்து அக்சர் படேல் களம் இறங்கினார். இறுதியில் இந்திய அணி 20 ஓவர்கள் முடிவில் 5 விக்கெட் இழப்புக்கு 196 ஓட்டங்களை எடுத்தது. இந்தியா தரப்பில் அதிகபட்சமாக ஹர்திக் பாண்ட்யா 50 ஓட்டங்கள் எடுத்தார்.&nbsp; பங்காளதேஷ் தரப்பில் தன்சிம் ஹசன் சகிப், ரிஷாத் ஹொசைன் ஆகியோர் தலா 2 விக்கெட்டுகள் வீழ்த்தினர். இதையடுத்து 197 ஓட்டங்கள் எடுத்தால் வெற்றி இலக்கை நோக்கி துடுப்பெடுத்தாட களமிறங்கிய பங்களாதேஷ் அணி 20 ஓவர்கள் நிறைவில் 8 விக்கெட்டுகளை இழந்து 146 ஓட்டங்களை மாத்திரம் பெற்று தோள்ளியுற்றது. அதன்படி சூப்பர் 8 சுற்றில் பங்களாதேஷ் அணியை 50‌ ஓட்டங்கள் வித்தியாசத்தில்&nbsp;இந்தியா‌ வெற்றி பெற்றது.

ரி20 உலகக் கிண்ணம் - பங்களாதேஷை வீழ்த்தியது இந்தியா

ரி20 உலகக் கிண்ணம் - பங்களாதேஷை வீழ்த்தியது இந்தியா

You may also like