களுத்துறை சிறைச்சாலையில் கழிப்பறையில் தூக்கிட்டுத் தற்கொலைக்கு முயன்ற கைதியொருவர், வைத்தியசாலையில் சிகிச்சை பலனின்றி உயிரிழந்துள்ளார்.மொனராகலை, வெலியாய பகுதியைச் சேர்ந்த 34 வயதுடைய நபரே இவ்வாறு உயிரிழந்தவராவார். போதைப்பொருள் தொடர்பான குற்றச்சாட்டின் பேரில் கடந்த ஒக்டோபர் 31 ஆம் திகதி பாணந்துறை நீதிவான் நீதிமன்றத்தால் உத்தரவிடப்பட்டதற்கமைய இவர் களுத்துறை சிறைச்சாலையில் விளக்கமறியலில் வைக்கப்பட்டிருந்தார். சிறைச்சாலையின் கழிப்பறைப் பகுதியில் குறித்த கைதி தூக்கிட்டுத் தற்கொலைக்கு முயன்ற போது, அங்கிருந்த ஏனைய கைதிகள் உடனடியாக அவரைக் கண்டு மீட்டனர். அதனைத் தொடர்ந்து சிறைச்சாலை அதிகாரிகளால் அவர் நாகொடை போதனா வைத்தியசாலையில் தீவிர சிகிச்சைக்காக சேர்க்கப்பட்டார். எனினும், வைத்தியசாலையில் சிகிச்சை பெற்று வந்த நிலையில் அவர் உயிரிழந்துவிட்டதாக வைத்தியசாலைப் பேச்சாளர் தெரிவித்துள்ளார்.இச்சம்பவம் குறித்த மேலதிக விசாரணைகளை களுத்துறை வடக்கு பொலிஸார் முன்னெடுத்து வருகின்றனர்.

களுத்துறை சிறைச்சாலை கைதி வைத்தியசாலையில் உயிரிழப்பு

களுத்துறை சிறைச்சாலை கைதி வைத்தியசாலையில் உயிரிழப்பு

You may also like