வெலிகம, பரணகடே பிரதேசத்தில் நேற்று (17) இரவு இடம்பெற்ற மோதலில் 22 வயதுடைய இளைஞர் ஒருவர் கூரிய ஆயுதத்தால் தாக்கிப் படுகொலை செய்யப்பட்டுள்ளார். படுகொலை செய்யப்பட்ட இளைஞர் தனது தாய், தந்தை, இரு சகோதரர்கள் மற்றும் தாயின் மூத்த சகோதரருடன் ஒரே வீட்டில் வசித்து வந்துள்ளார். நேற்று இரவு இவர்களுக்கிடையில் ஏற்பட்ட குடும்பத் தகராறு முற்றிய நிலையில், தாயின் மூத்த சகோதரர் குறித்த இளைஞரை கூரிய ஆயுதத்தால் தாக்கியுள்ளார். தகராறு எல்லை மீறியதால் ஏற்பட்ட இந்தத் தாக்குதலில் படுகாயமடைந்த இளைஞர் உயிரிழந்துள்ளார்.இக்கொலைச் சம்பவம் தொடர்பில் மேற்கொள்ளப்பட்ட ஆரம்பக்கட்ட விசாரணைகளை அடுத்து, உயிரிழந்த இளைஞனின் தாயின் மூத்த சகோதரரான 58 வயதுடைய சந்தேகநபர் வெலிகம பொலிஸாரால் கைது செய்யப்பட்டுள்ளார். படுகொலை செய்யப்பட்ட இளைஞர் பரணகடே, வெலிகம பிரதேசத்தைச் சேர்ந்தவர் என அடையாளம் காணப்பட்டுள்ளார். மேலதிக விசாரணைகளை வெலிகம பொலிஸார் முன்னெடுத்து வருகின்றனர்.

கூரிய ஆயுதத்தால் தாக்கப்பட்டு இளைஞர் உயிரிழப்பு

கூரிய ஆயுதத்தால் தாக்கப்பட்டு இளைஞர் உயிரிழப்பு

You may also like