காய்ச்சலால் பாதிக்கப்பட்ட குழந்தைகளை தாமதமின்றி அருகிலுள்ள அரசாங்க வைத்தியசாலைக்கு அழைத்துச் சென்று உரிய வைத்திய சிகிச்சையைப் பெறச் செய்யுமாறு சுகாதார அதிகாரிகள் பெற்றோரிடம் வலியுறுத்தியுள்ளனர். கொழும்பு லேடி ரிட்ஜ்வே சிறுவர் வைத்தியசாலையின் பணிப்பாளர் விசேட வைத்திய நிபுணர் பிரதீப் ரத்னசேகர, குழந்தைகளுக்கு சிகிச்சை அளிப்பதற்கான பொன்னான நேரத்தை இழக்காமல் நடவடிக்கை எடுக்குமாறு கேட்டுக்கொண்டுள்ளார். லேடி ரிட்ஜ்வே சிறுவர் வைத்தியசாலையில் தற்போது டெங்கு காய்ச்சலால் பாதிக்கப்பட்ட சுமார் 50 குழந்தைகள் சிகிச்சை பெற்று வருவதாகவும், அவர்களில் நான்கில் ஒரு பகுதியினர் தீவிர சிகிச்சைப் பிரிவில் இருப்பதாகவும் அவர் தெரிவித்துள்ளார். நோயாளிகளின் எண்ணிக்கை மேலும் அதிகரித்தால், வைத்தியசாலையின் கொள்ளளவை மீறும் அபாயம் இருப்பதாகவும் அவர் எச்சரித்துள்ளார். குழந்தைகளுக்கு காய்ச்சல் ஏற்பட்டால் வீட்டிலேயே சுய சிகிச்சை அல்லது கை வைத்தியத்தில் ஈடுபடாமல், உடனடியாக வைத்திய ஆலோசனையைப் பெறுவது அவசியம் என்றும், தாமதம் குழந்தைகளின் உயிருக்கு ஆபத்தை ஏற்படுத்தக்கூடும் என்றும் விசேட வைத்திய நிபுணர் பிரதீப் ரத்னசேகர வலியுறுத்தியுள்ளார்.

டெங்கு அதிகரிப்பு - பெற்றோருக்கு வைத்தியர்கள் அவசர அறிவுரை

டெங்கு அதிகரிப்பு - பெற்றோருக்கு வைத்தியர்கள் அவசர அறிவுரை

You may also like