நியூசிலாந்துக்கு எதிரான 4 ஆவது ஒருநாள் போட்டியில் இந்திய அணி 89 ஓட்டங்களுக்கு ஆட்டமிழந்தமை தனக்கு கவலையளிப்பதாக தலைமைப் பயிற்சியாளர் கெளதம் கம்பீர் தெரிவித்துள்ளார். இது தொடர்பில் மேலும் கூறுகையில், "90 ஓட்டங்களுக்குள் ஆட்டமிழந்தால் கவலைப்படாமல் இருக்க முடியுமா?, நிச்சயமாக கவலைதான். அடுத்த ஆண்டு நடைபெற உள்ள உலகக் கோப்பையில் நாம் விளையாட வேண்டிய ஆடுகளங்களைப் போலவே இங்குள்ள ஆடுகளமும் உள்ளது.&nbsp; குறைவான ஓட்டங்கள் எடுத்தது மட்டும் பிரச்சினை இல்லை.26 அல்லது 27 ஓவர்களுக்குள்ளேயே அனைத்து விக்கெட்டுகளையும் இழந்ததுதான் மிகப்பெரிய கவலை" என தெரிவித்துள்ளார். மவுண்ட் மாங்கானுயில் உள்ள பே ஓவல் மைதானத்தில் நடைபெற்ற 4 வது ஒருநாள் போட்டியில் முதலில் துடுப்பாட்டம் செய்த நியூசிலாந்து அணி 50 ஓவர்களில் 333 ஓட்டங்கள் குவித்தது.&nbsp; இதையடுத்து 334 ஓட்டங்கள் எடுத்தால் வெற்றி என்ற இலக்குடன் களமிறங்கிய இந்திய அணி, மாட் ஹென்றியின் அபார பந்துவீச்சைச் சமாளிக்க முடியாமல் 26.4 ஓவர்களில் 89 ஓட்டங்களுக்கு அனைத்து விக்கெட்டுகளையும் இழந்தது. இதனால் நியூசிலாந்து அணி 244 ஓட்டங்கள் வித்தியாசத்தில் வெற்றி பெற்றது.

நியூசிலாந்துக்கு எதிரான போட்டியில் இந்திய அணி தோல்வி - கெளதம் கம்பீர் கவலை

நியூசிலாந்துக்கு எதிரான போட்டியில் இந்திய அணி தோல்வி - கெளதம் கம்பீர் கவலை

You may also like