&nbsp;பொரளை கனத்த பகுதியில் இன்று (28) காலை இடம்பெற்ற கோர விபத்தில் ஒருவர் உயிரிந்த நிலையில் காயமடைந்த ஏழு பேர் தற்போது கொழும்பு தேசிய வைத்தியசாலையில் சிகிச்சை பெற்று வருவதாக வைத்தியர்கள் தெரிவித்துள்ளனர்.&nbsp;காயமடைந்தவர்களில் ஒருவர் வைத்தியசாலையில் அனுமதிக்கும் முன்னரே உயிரிழந்ததாக பொலிஸார் தெரிவித்தனர் என கொழும்பு தேசிய வைத்தியசாலையின் பிரதிப் பணிப்பாளர் வைத்தியர் ருக்‌ஷான் பெல்லனா தெரிவித்தார். குறித்த விபத்து தொடர்பில் தொடர்ந்து கருத்து தெரிவித்துள்ள வைத்தியர்,&nbsp;காயமடைந்தவர்களில் இரு பெண்கள், ஐந்து ஆண்கள் உள்ளடங்குகின்றனர். இன்று காலை, இராஜகிரியவிலிருந்து பௌத்தாலோக மாவத்தை நோக்கிச் சென்ற கனரக வாகனம் போக்குவரத்து சமிக்ஞைகளுக்கு அருகில் நிறுத்தப்பட்டிருந்த ஆறு மோட்டார் சைக்கிள்கள் மற்றும் மூன்று கார்கள் மீது மோதியுள்ளது.&nbsp;அத்துருகிரிய பகுதியை சேர்ந்த 62 வயதுடைய நபரே இவ்விபத்தில் உயிரிழந்துள்ளதாக அடையாளம் காணப்பட்டுள்ளார்.&nbsp;விபத்தை ஏற்படுத்திய கனரக வாகனத்தின் சாரதி கைதுசெய்யப்பட்டுள்ளார். மேலும் கனரக வாகனத்தில் ப்ரேக் செயலிழந்ததால் விபத்து ஏற்பட்டிருக்கலாம் என பொலிஸார் சந்தேகிக்கின்றனர்.&nbsp;இச்சம்பவம் தொடர்பில் பொரளை பொலிஸார் மேலதிக விசாரணைகளை மேற்கொண்டு வருகின்றனர்.

பொரளை விபத்து தொடர்பாக வெளியான தகவல்கள்!

பொரளை விபத்து தொடர்பாக வெளியான தகவல்கள்!

You may also like