ரஷ்ய நாட்டின் சுகாதார அமைச்சர் மிகைல் முராஷ்கோ உள்ளிட்ட குழுவினர், மூன்று நாள் உத்தியோகப்பூர்வ விஜயம் மேற்கொண்டு எதிர்வரும் மே மாதம் 3 ஆம் திகதி இலங்கைக்கு வருகை தர உள்ளனர்.&nbsp; இந்தப் பயணத்தின் போது, ரஷ்ய சுகாதார அமைச்சர் உள்ளிட்ட தூதுக்குழுவினர், ரஷ்யாவிற்கும் இலங்கைக்கும் இடையிலான சுகாதாரத் துறையில் உறவுகளையும் ஒத்துழைப்பையும் வலுப்படுத்துவது குறித்து ஸ்ரீ; சுகாதார மற்றும் வெகுஜன ஊடக அமைச்சர் டாக்டர் நளிந்த ஜெயதிஸ்ஸவுடன் கலந்துரையாடலில் ஈடுபடவள்ளனர். மேலும், வெளிநாட்டு விவகாரங்கள், வெளிநாட்டு வேலைவாய்ப்பு மற்றும் சுற்றுலா அமைச்சர் விஜித ஹேரத்துடனும் இத்தூதுக்குழுவினர்&nbsp;கலந்துரையாடயாடவுள்ளனர். ரஷ்ய சுகாதார அமைச்சர் உள்ளிட்ட தூதுக்குழுவினர் மே 04 அன்று கொழும்பு தேசிய வைத்தியசாலை மற்றும் கொழும்பு பல்கலைக்கழகத்தின் மருத்துவ பீடத்தையும் பார்வையிடவுள்ளனர். இதனிடையே, இலங்கை மற்றும் ரஷ்யாவின் சுகாதார அமைச்சுகளுக்கு இடைய ஒரு புரிந்துணர்வு ஒப்பந்தமும் எட்டப்படவுள்ளது.&nbsp; இந்தப் பயணத்தின் போது, ரஷ்ய சுகாதார அமைச்சரும் அவரது குழுவினரும், மருந்துகள்இ மருத்துவ உபகரணங்கள், மருத்துவ நிபுணர்களின் பயிற்சி, கல்விசார் ஒத்துழைப்பு, ஆயுர்வேத மருத்துவம் மற்றும் சுற்றுலா சுகாதார சேவைகள் உள்ளிட்ட சுகாதாரத் துறையின் முக்கியப் பகுதிகளில் ஒத்துழைப்பை மேம்படுத்துவதற்கான கலந்துரையாடல்களையும் கருத்துப் பரிமாற்றங்களையும் நடத்த திட்டமிட்டு உள்ளனர்.

ரஷ்ய சுகாதார அமைச்சர் இலங்கை வரவுள்ளார்

ரஷ்ய சுகாதார அமைச்சர் இலங்கை வரவுள்ளார்

You may also like