தமிழ்நாட்டில் 2026 சட்டப்பேரவைத் தேர்தலுக்கான வாக்குப் பதிவு 234 தொகுதிகளிலும் நேற்று (23) ஒரே கட்டமாக நடந்து முடிந்த நிலையில், இதுவரை 85.15 சதவிகித வாக்குகள் பதிவாகியுள்ளதாக இந்திய தேர்தல் ஆணைக்குழு தெரிவித்துள்ளது. இந்த தேர்தலானது, வாக்குப் பதிவில் சாதனை படைத்துள்ளது என்றெல்லாம் கூறப்பட்டாலும் அதன் உண்மை நிலை குறித்து பார்க்க வேண்டும் எனவும் அரசியல் பார்வையாளர்கள் தெரிவித்துள்ளனர். வழக்கமாக ஒவ்வொரு தேர்தலின்போதும் 20 முதல் 30 இலட்சம் வாக்காளர்கள் அதிகரிப்பார்கள்.&nbsp;இந்த ஆண்டு சேர்க்கப்பட்ட புதிய - இளைய வாக்காளர்களின் எண்ணிக்கை சுமார் 14 இலட்சம். இவர்கள் அனைவரும் வாக்களிக்க ஆர்வம் காட்டியமை வாக்குப் பதிவு சதவிகிதம் அதிகரிக்க காரணமாக இருந்திருக்க வேண்டும் எனக் கருதப்படுகிறது.&nbsp; 2021ஆம் ஆண்டு சட்டப்பேரவைத் தேர்தலில் 4.63 கோடி வாக்குகள் பதிவான நிலையில் இவ் வருடம் 4.88 கோடி வாக்குகள் பதிவாகியுள்ளன.&nbsp; இது கடந்த தேர்தலை விட 25 இலட்சம் வாக்குகள் அதிகம் பதிவாகியுள்ளது. இது ஒவ்வொரு தேர்தலுக்கும் அதிகரிக்கும் எண்ணிக்கைதானே தவிர வியப்படைய எதுவும் இல்லையென கருதப்படுகிறது. கடந்த 2021ஆம் ஆண்டு கொரோனா தொற்று பாதிப்பு இருந்தமையால் குறைவான எண்ணிக்கையிலேயே வாக்குப் பதிவானது.&nbsp; ஆனால், தற்போது த.வெ.க தலைவர் விஜய்க்கு ஆதரவாக வாக்களிக்க வந்தவர்களால்தான் வாக்குப் பதிவு அதிகரித்திருப்பதாக இணையத்தில் தகவல் பரவிக் கொண்டிருக்கின்றன. அதிக வாக்குகள் பதிவானால் அது ஆட்சி மாற்றத்தைக் குறிக்கும் என்று கூறப்படுகிறது. அதிக வாக்குப் பதிவின்போது கூட முந்தைய ஆட்சி தொடர்ந்த வரலாறும் உண்டு என்பதால் தேர்தல் வாக்கு சதவிகிதங்களை வைத்து எதையும் தீர்மானிக்க இயலாது.&nbsp; 2016 தேர்தலில் 2011ஆம் ஆண்டு தேர்தலைவிட கூடுதலாக 64 இலட்சம் பேரும் 2021 தேர்தலில் 2016 தேர்தலைவிட கூடுதலாக 25 இலட்சம் பேரும் வாக்களித்திருந்தனர். அதேபோல தான் இந்த வருடமும் 2021ஆம் ஆண்டு நடைபெற்ற தேர்தலைவிட 25இலட்சம் பேர் கூடுதலாக வாக்களித்துள்ளனர். இதுவும் வழக்கமாக நடந்து முடிந்த தேர்தல்களில் பெற்ற வாக்குப்பதிவு சதவிகிதம் போல தான் என்பது மே மாதம் 04ஆம் திகதி தெரிந்துவிடும் எனக் கூறப்படுகிறது.

வாக்குப் பதிவு சதவிகிதத்தை வைத்து எதையும் கூற முடியாது - அரசியல் பார்வையாளர்கள்

வாக்குப் பதிவு சதவிகிதத்தை வைத்து எதையும் கூற முடியாது - அரசியல் பார்வையாளர்கள்

You may also like