‘தாய்வானுக்கு அதிநவீன ஆயுதங்களை விற்பனை செய்வது தொடர்பான விவகாரத்தில், அமெரிக்கா இன்னும் உறுதியான இறுதி முடிவை எடுக்கவில்லை’ என்று ஜனாதிபதி டொனால்ட் ட்ரம்ப் தெரிவித்துள்ளார். சீனாவில் 3 நாள்கள் அரசுமுறைப் பயணத்தை முடித்துக்கொண்டு நாடு திரும்பும் வழியில், ஏா் ஃபோர்ஸ்-1 விமானத்தில் செய்தியாளர்களிடம் கருத்து தெரிவித்த அவர், இவ்விவகாரத்தில் விரைவில் ஒரு தீர்மானத்தை எடுக்கப்போவதாகக் குறிப்பிட்டுள்ளார். சீன ஜனாதிபதி ஷி ஜின்பிங்குடன் நடத்திய இருதரப்பு பேச்சுவார்த்தையின்போது தாய்வான் விவகாரம் முக்கிய இடத்தைப் பிடித்திருந்தது. தாய்வான் விவகாரத்தை அமெரிக்கா தவறாகக் கையாண்டால், அது இருதரப்புக்கும் மோதலைத் தூண்டும் என ட்ரம்ப்பிடம் ஷி ஜின்பிங் நேரடியாக எச்சரித்தார். இந்நிலையில், ட்ரம்ப் இது தொடா்பாக மேலும் தெரிவிக்கையில்,&nbsp; ‘தாய்வான் தனி நாடாகச் சுதந்திரம் பெறுவதை சீனா கடுமையாக எதிர்ப்பதாக ஷி ஜின்பிங் என்னிடம் கூறினார். அவரின் கருத்துகளை நான் கேட்டுக்கொண்டேன். ஆனால், எந்தப் பதிலும் அளிக்கவில்லை. தாய்வானைச் சீனா தாக்கினால், அமெரிக்கா அந்நாட்டைப் பாதுகாக்குமா என்றும் ஷி ஜின்பிங் கேள்வி எழுப்பினார். அதற்குப் பதில் அளிக்கவும் நான் மறுத்துவிட்டேன். அக்கேள்விக்கான பதில் எனக்கு மட்டுமே தெரியும். நான் அதை வெளிப்படையாகப் பேச விரும்பவில்லை’ என குறிப்பிட்டுள்ளார். ட்ரம்ப்பின் அடுத்தகட்ட நகர்வு, குறிப்பாக தாய்வான் தலைவருடன் அவர் பேசப்போவதாகக் கூறியிருப்பது, சீனா-அமெரிக்கா உறவில் பதற்றத்தை ஏற்படுத்தும் என எதிர்பாா்க்கப்படுகின்றது. சீன நிறுவனங்களுக்குத் தடை விலக்கல்: அதேபோல், ஈரான் போர்ச் சூழல் குறித்தும் இரு தலைவா்களும் ஆலோசித்தனா். ஈரான் அணு ஆயுதங்களைக் கொண்டிருக்கக் கூடாது; ஹோர்முஸ் நீரிணையை மீண்டும் திறக்க வேண்டும் என்பதில் இரு நாடுகளும் ஒருமித்த கருத்தை வலியுறுத்தின. இதையொட்டி, ஈரான் எண்ணெய்யை வாங்கியதற்காக சீன நிறுவனங்கள் மீது விதிக்கப்பட்டுள்ள தடைகளை நீக்குவது குறித்தும் ஷி ஜின்பிங்குடன் பேசியதாதத் தெரிவித்த ட்ரம்ப், ‘இது தொடா்பாக அடுத்த சில நாள்களில் முடிவெடுப்பேன்’ என கூறியுள்ளார். வெற்றித் தந்ததா பயணம்?...: அமெரிக்காவில் வரும் நவம்பர் மாதம் பாராளுமன்ற இடைக்கால தோ்தல் நடைபெறவுள்ள நிலையில், தனது செல்வாக்கை உயர்த்திக் கொள்ள ட்ரம்ப் இந்தச் சீன பயணத்தைப் பயன்படுத்த முயன்றார். ஆனால், வர்த்தகம், ஈரான் விவகாரத்தில் சீனாவிடமிருந்து பெரிய அளவிலான சலுகைகள் கிடைக்காதது ட்ரம்ப்புக்கு ஏமாற்றத்தையே அளித்துள்ளது. உதாரணமாக, போயிங் நிறுவனத்திடமிருந்து 200 விமானங்களைச் சீனா வாங்குவதாக அறிவிக்கப்பட்ட போதிலும், முதலீட்டாளர்கள் எதிா்பாா்த்த 500 விமானங்களைவிட இது மிகக் குறைவு என்பதால் அந்நிறுவனத்தின் பங்குகள் வீழ்ச்சியடைந்தன. மேலும், ஏ.ஐ. சிப் கட்டுப்பாடுகள் மற்றும் அரிய வகை கனிம ஏற்றுமதி தொடர்பான சிக்கல்களுக்குத் தீர்வு காணப்படவில்லை. இருப்பினும், இருதரப்பு உறவைத் தொடர்ந்து மேம்படுத்த தலைவா்கள் உறுதி மேற்கொண்டனார். அந்தவகையில், ஷி ஜின்பிங் வரும் செப்டம்பரில் அமெரிக்காவுக்கு வருகை தர ட்ரம்ப் அழைப்பு விடுத்துள்ளார்.

தாய்வானுக்கு ஆயுத விற்பனை குறித்து இறுதி முடிவு இல்லை - ட்ரம்ப்

தாய்வானுக்கு ஆயுத விற்பனை குறித்து இறுதி முடிவு இல்லை - ட்ரம்ப்

You may also like