நீர்கொழும்பு சிறைச்சாலையில் இடம்பெற்ற வன்முறைச் சம்பவம் தொடர்பில் பல்துறை விசாரணைகள் ஆரம்பிக்கப்பட்டுள்ளதாக அமைச்சரவைப் பேச்சாளரும் அமைச்சருமான வைத்தியர் நலிந்த ஜயதிஸ்ஸ தெரிவித்துள்ளார். அமைச்சரவை முடிவுகளை அறிவிக்கும் இன்றைய (07) ஊடகவியலாளர் சந்திப்பில் அவர் இதனைத் குறிப்பிட்டுள்ளார்.&nbsp; இச்சம்பவம் தொடர்பாக ஓய்வுபெற்ற உயர்நீதிமன்ற நீதியரசர், சட்டமா அதிபர் திணைக்கள அதிகாரி மற்றும் சிரேஷ்ட சட்டத்தரணி ஆகியோரைக் கொண்ட மூவர் குழு நியமிக்கப்பட்டுள்ளது. பொலிஸார், குற்றப் புலனாய்வுத் திணைக்களம் மற்றும் சிறைச்சாலைகள் திணைக்களம் ஆகியனவும் தனித்தனியாக விசாரணைகளை முன்னெடுத்து வருகின்றன. இதேவேளை, சம்பவம் தொடர்பில் முன்கூட்டியே எந்தவித புலனாய்வு தகவலும் கிடைக்கவில்லை என சிறைச்சாலைகள் ஆணையாளர் நாயகம் தெரிவித்தார்.&nbsp; கைதிகளுக்கு இடையிலான மோதலை கட்டுப்படுத்த அதிகாரிகள் நடவடிக்கை எடுத்திருந்ததாகவும், பின்னர் சில கைதிகள் போதைப்பொருள் மாத்திரைகளை பயன்படுத்தியிருந்தமை விசாரணைகளில் தெரியவந்துள்ளதாகவும் அவர் குறிப்பிட்டார். சம்பவத்தின் முழுமையான பின்னணி, நடைபெற்று வரும் அனைத்து விசாரணை அறிக்கைகளின் பின்னரே வெளிச்சத்துக்கு வரும் என அதிகாரிகள் தெரிவித்துள்ளனர்.

சிறைச்சாலை மோதல் விவகாரம் - பல்துறை விசாரணைகள் ஆரம்பம்

சிறைச்சாலை மோதல் விவகாரம் - பல்துறை விசாரணைகள் ஆரம்பம்

You may also like