இந்தியா தொடருடன் அனைத்து விதமான கிரிக்கெட்டில் இருந்தும் ஓய்வு பெறவுள்ளதாக அவுஸ்திரேலிய மகளிர் அணித்தலைவி &nbsp;அலீசா ஹீலி அறிவித்துள்ளார். &nbsp; இந்த ஆண்டு ஜூன் மற்றும் ஜூலை மாதங்களில் ஐ.சி.சி .மகளிர் டி20 உலகக்கிண்ண &nbsp;கிரிக்கெட் தொடரானது நடைபெறவுள்ளது. இம்முறை உலகக்கிண்ண தொடரை இங்கிலாந்து நடத்தவுள்ளது. &nbsp; இதில் இந்தியா, அவுஸ்திரேலியா, தென்னாபிரிக்கா, வெஸ்ட் இண்டீஸ், நியூசிலாந்து உள்பட பல முக்கிய அணிகள் பங்கேற்கவுள்ளன. மேலும் போட்டிகள் ஜூன் 12 முதல் ஜூலை 15வரை நடைபெறும் என்று எதிர்பார்க்கப்படுகிறது.&nbsp; இந்த தொடரில் பங்கேற்பதற்காக அனைத்து அணிகளும் தற்போதிலிருந்தே தங்களின் தயாரிப்புகளில் ஈடுபட்டு வருகின்றனர். அதன் ஒருபகுதியாக இந்திய மகளிர் அணியானது எதிர்வரும் பெப்ரவரி மாதம் அவுஸ்திரேலியாவில் சுற்றுப்பயணம் செய்து 3 டி20, ஒரு டெஸ்ட் மற்றும் 3 போட்டிகள் கொண்ட ஒருநாள் தொடர்களில் விளையாடவுள்ளது. பெப்ரவரி 15ஆம் திகதி தொடங்கும் இந்த தொடர் மார்ச் 6ஆம் திகதி வரையிலும் நடைபெறவுள்ளது.&nbsp; இதனையடுத்து இந்த தொடரில் பங்கேற்கும் அணிகளை அந்தந்த நாட்டு கிரிக்கெட் சபை&nbsp;கூடிய விரைவில் அறிவிக்கும் என்றும் எதிர்பார்க்கப்படுகிறது.&nbsp;&nbsp;&nbsp;இந்த நிலையில், இந்திய தொடருடன் சர்வதேச கிரிக்கெட்டில் இருந்து ஓய்வு பெறுவதாக அவுஸ்திரேலிய அணித்தலைவி &nbsp;அலீசா ஹீலி அறிவித்து ரசிகர்களை சோகத்தில் ஆழ்த்தியுள்ளார். இதன் மூலம் அவர் தனது 16 ஆண்டுகால கிரிக்கெட் வாழ்க்கையிலிருந்து விடுபடவுள்ளார். &nbsp; அவுஸ்திரேலிய மகளிர் அணிக்காக கடந்த கடந்த 2010ஆம் ஆண்டு அறிமுகமான அலீசா ஹீலி இதுநாள் வரையிலும் 10 டெஸ்ட், 123 ஒருநாள் மற்றும் 162 டி20 போட்டிகளில் விளையாடியுள்ளார். இதில் அவர் டெஸ்ட் கிரிக்கெட்டில் 3 அரைசதங்களுடன் 489 ஓட்டங்களையும், ஒருநாள் கிரிக்கெட்டில் 7 சதங்கள், 18 அரைசதங்களுடன் 3,563 ஓட்டங்களையும், டி20 கிரிக்கெட்டில் ஒரு சதம், 17 அரைசதங்கள் என 3,054 ஓட்டங்களையும் எடுத்துள்ளார். மேலும் அவர் இரண்டு முறை ஒருநாள் உலகக்கிண்ணத்தையும், 6 முறை டி20 உலகக்கிண்ணத் தொடரையும் வென்ற அவுஸ்திரேலிய அணியிலும் இடம் பிடித்திருந்தார். &nbsp; இதுதவிர அலீசா ஹீலி தலைமையிலான அவுஸ்திரேலிய மகளிர் அணி 2024ஆம் ஆண்டு டி20 உலகக்கிண்ணம், 2025ஆம் ஆண்டு ஒருநாள் உலகக்கிண்ண கிரிக்கெட் தொடர்களில் அரையிறுதி சுற்று வரை முன்னேறி இருந்ததும் குறிப்பிடத்தக்கது. இந்நிலையில் தனது ஓய்வு முடிவு குறித்து பேசிய ஹீலி, &nbsp; "வரவிருக்கும் இந்தியாவுக்கு எதிரான தொடர் அவுஸ்திரேலியாவுக்கான எனது கடைசி தொடராக இருக்கும். மேலும் இந்த ஆண்டு டி20 உலகக்கிண்ணத்தில் &nbsp;நான் விளையாடப் போவதில்லை. அதனால் இந்தியாவுக்கு எதிரான டி20 தொடரிலும் நான் விளையாடப் போவதில்லை. மேலும் சொந்த மண்ணில் ஒருநாள் மற்றும் டெஸ்ட் தொடருடன் நான் சர்வதேச கிரிக்கெட்டில் இருந்து ஓய்வு பெறவுள்ளேன்" என்று கூறியுள்ளார். &nbsp;&nbsp;&nbsp;

அனைத்து விதமான கிரிக்கெட் போட்டிகளில் இருந்தும் ஓய்வை அறிவித்தார் அலீசா ஹீலி

அனைத்து விதமான கிரிக்கெட் போட்டிகளில் இருந்தும் ஓய்வை அறிவித்தார் அலீசா ஹீலி

You may also like