இலங்கையின் ரயில்வே வலையமைப்பைத் தரம் உயர்த்துவதுடன், புதிய ரயில்கள் மற்றும் என்ஜின்களைக் கொள்முதல் செய்வதற்கான திட்டங்கள் முன்னெடுக்கப்பட்டு வருவதாக போக்குவரத்து பிரதி அமைச்சர் பிரசன்ன குணசேன பாராளுமன்றத்தில் தெரிவித்துள்ளார். ரயில்வே வலையமைப்பின் மொத்த நீளத்தை தற்போது விரிவுபடுத்தும் திட்டம் எதுவும் இல்லையெனத் தெரிவித்த அவர், பொல்கஹவெல–குருநாகல் உள்ளிட்ட தற்போதுள்ள ரயில் பாதைகளை மேம்படுத்தும் பணிகள் முன்னெடுக்கப்பட்டு வருவதாகக் கூறினார். மேலும், ஐந்து புதிய என்ஜின்களைக் கொள்வனவு செய்வதற்கான ஒப்பந்தப்புள்ளி நடைமுறை தற்போது மதிப்பீடு செய்யப்பட்டு வருவதுடன், 2026ஆம் ஆண்டுக்குள் ஒப்பந்தத்தை வழங்க எதிர்பார்ப்பதாகவும் அவர் தெரிவித்தார். அத்துடன், மேலும் ஐந்து ரயில் பெட்டிகளைக் கொள்வனவு செய்வதற்கு 2027ஆம் ஆண்டுக்கான வரவு–செலவுத் திட்டத்தில் நிதி ஒதுக்கீடு செய்யப்படவுள்ளதாகவும் பிரதி அமைச்சர் குறிப்பிட்டுள்ளார். குறுகிய தூர சேவைகளுக்காக பல இருவழி ரயில்களைக் கொள்வனவு செய்வதற்கான திட்டங்களும் முன்னெடுக்கப்பட்டு வருவதாக அவர் தெரிவித்தார். இதனிடையே, இலங்கையிலேயே மூன்று இலகுரக ரயில் பெட்டிகளை ஒருங்கிணைக்கும் திட்டம் ஒன்றும் ஆரம்பிக்கப்பட்டுள்ளதாகவும், இதற்கான ஏலங்கள் கோரப்பட்டு தற்போது மதிப்பீடு செய்யப்பட்டு வருவகின்றன. இந்தக் கொள்முதல் நடவடிக்கைகளை 2026ஆம் ஆண்டின் இறுதிக்குள் நிறைவு செய்ய எதிர்பார்ப்பதாகவும் அவர் தெரிவித்தார்.

ரயில்வே சேவையை மேம்படுத்த புதிய ரயில்கள், என்ஜின்கள் கொள்முதல்

ரயில்வே சேவையை மேம்படுத்த புதிய ரயில்கள், என்ஜின்கள் கொள்முதல்

You may also like