பேருந்து பயண கட்டணம் அதிகரிக்கப்படாவிட்டால் இன்று மாலை ஆறு மணி முதல் பணிப்புறக்கணிப்பு முன்னெடுக்கப்படும் என இலங்கை தனியார் பேருந்து உரிமையாளர்கள் சங்கம் தெரிவித்துள்ளது. இலங்கை தனியார் பேருந்து உரிமையாளர்கள் சங்கத்தின் தலைவர் கெமுனு விஜேரத்ன இதனை தெரிவித்துள்ளார். இன்று மாலை ஐந்து மணிக்குள் பேருந்து பயண கட்டண அதிகரிப்பு தொடர்பான அறிவிப்பு வெளியாக வேண்டும் இல்லையெனில் பணிப்புறக்கணிப்பு நிச்சயம் முன்னெடுக்கப்படும் வரலாற்றில் முன்னெப்போதும் இல்லாத வகையில் நேற்று நள்ளிரவு அதிக அளவில் எரிபொருள் விலை அதிகரிக்கப்பட்டுள்ளது. இதன் காரணமாக பேருந்துகளை இயக்க முடியாத சூழ்நிலை ஏற்பட்டுள்ளது. பேருந்து பயண கட்டணம் போதுமானதாக இல்லை. இதன் காரணமாக சுமார் 90 சதவீதமான தனியார் பேருந்துகள் இன்றைய தினம் சேவையில் ஈடுபடவில்லை. புதிய பேருந்து கட்டண திருத்தம் மேற்கொள்ளப்பட்ட பின்னரே பேருந்து சேவைகளை மீண்டும் முன்னெடுக்க எதிர்பார்ப்பதாகவும் இலங்கை தனியார் பேருந்து உரிமையாளர்கள் சங்கத்தின் தலைவர் கெமுனு விஜேரத்ன தெரிவித்துள்ளார்.

தனியார் பேருந்துகள் பணிப்புறக்கணிப்புக்கு தயாராகின்றன

தனியார் பேருந்துகள் பணிப்புறக்கணிப்புக்கு தயாராகின்றன

You may also like