ஊழியர் நம்பிக்கை நிதியச் சபை, செயலில் உள்ள உறுப்பினர்களின் பிள்ளைகளுக்கு, க.பொ.த (உயர்தரம்) பரீட்சைக்குத் தோற்றும் மாணவர்களுக்காக “நிபுணதா சவிய” (Nipunatha Saviya) எனும் உதவித் திட்டத்தின் கீழ் 50,000 ரூபா வரை நிதி உதவியை வழங்குவதாக அறிவித்துள்ளது. தகுதியுள்ள மாணவர்கள், மூன்றாம் நிலை மற்றும் தொழிற்கல்வி ஆணைக்குழுவில் (TVEC) பதிவுசெய்யப்பட்ட மற்றும் தேசிய தொழல் தகைமை (NVQ) மட்டம் 3, 4 மற்றும் 5 ஆகியவற்றில் அங்கீகரிக்கப்பட்ட கல்வி நிறுவனங்களால் நடத்தப்படும் 100 தொழிற்பயிற்சி நெறிகளில் ஒன்றைத் தெரிவுசெய்யலாம். இந்த நிதி உதவி கடனல்ல என்றும், இதை மீளச் செலுத்த வேண்டிய அவசியமில்லை என்றும் ஊழியர் நம்பிக்கை நிதியச் சபை வலியுறுத்தியுள்ளது. திறமையான தலைமுறையை உருவாக்குவதையும், அதன் மூலம் உள்நாட்டு மற்றும் வெளிநாட்டு வேலைவாய்ப்பு வாய்ப்புகளை அதிகரிப்பதையும் நோக்கமாகக் கொண்டு இந்தத் திட்டம் ஆரம்பிக்கப்பட்டுள்ளது. இது தொடர்பான மேலதிக விபரங்களை ஊழியர் நம்பிக்கை நிதியச் சபையின் அதிகாரப்பூர்வ இணையதளத்தில் பெற்றுக்கொள்ளலாம்.

ஊழியர் நம்பிக்கை நிதியத்தில் இருந்து உயர்தர மாணவர்களுக்கு மானியம்

ஊழியர் நம்பிக்கை நிதியத்தில் இருந்து உயர்தர மாணவர்களுக்கு மானியம்

You may also like