இலங்கை விமானப்படைக்கு ரூ.4,261 மில்லியனைப் பெற்றுக் கொடுப்பதற்காக முன்வைக்கப்பட்ட 2026ஆம் ஆண்டின் 8ஆம் இலக்க குறைநிரப்பு மதிப்பீடு பாராளுமன்றத்தில் இன்று (05) மு.ப 11.30 மணி முதல் பி.ப 5.00 மணிவரை விவாதத்திற்கு உட்படுத்தப்பட்டு நிறைவேற்றப்பட்டது. திரட்டு நிதியிலிருந்து அல்லது அரசாங்கத்திற்குச் சொந்தமான வேறு ஏதேனும் நிதியத்திலிருந்து அல்லது நிதியிலிருந்து இலங்கை விமானப்படைக்கு வழங்குவதற்காக இந்தக் குறைநிரப்பு மதிப்பீடு சமர்ப்பிக்கப்பட்டுள்ளது. மாறிவரும் செயற்பாட்டுச் சூழல், வங்காள விரிகுடா மற்றும் அதனைச் சூழவுள்ள பகுதிகளில் நிலவும் அனர்த்தங்களுக்கு உள்ளாகக்கூடிய வகையிலான தொடர்ச்சியான பாதகமான காலநிலை நிலைமைகளால் ஏற்படக்கூடிய உடனடி அச்சுறுத்தல்கள் ஆகியவற்றைக் கருத்திற்கொண்டு, இலங்கை விமானப்படையில் ஆளில்லா விமானக் கட்டமைப்பொன்றை நிறுவுவதற்காக இந்த நிதி ஒதுக்கப்பட்டுள்ளது. இதேவேளை, நம்பிக்கைப் பொறுப்புகள் (திருத்தச்) சட்டமூலமும் இன்றையதினம் விவாதத்திற்கு உட்படுத்தப்பட்டு நிறைவேற்றப்பட்டது. (87வது அத்தியாயமான) நம்பிக்கைப் பொறுப்புக்கள் கட்டளைச் சட்டத்தைத் திருத்துவதற்கான இச்சட்டமூலத்தை நீதி மற்றும் தேசிய ஒருமைப்பாட்டு அமைச்சர் சட்டத்தரணி ஹர்ஷண நாணயக்காரவால் 2026 ஒக்டோபர் 21ஆம் திகதி முதலாவது மதிப்பீடுக்காக பாராளுமன்றத்தில் சமர்ப்பிக்கப்பட்டது.

இலங்கை விமானப்படைக்கு 4,261 மில்லியன் ரூபா - குறைநிரப்பு மதிப்பீடு நிறைவேற்றம்

இலங்கை விமானப்படைக்கு 4,261 மில்லியன் ரூபா - குறைநிரப்பு மதிப்பீடு நிறைவேற்றம்

You may also like