2026ஆம் ஆண்டு வரவு செலவுத் திட்டத்தில் ஏற்பட்டுள்ள முன்னேற்றம் குறித்து எழுப்பப்பட்ட கேள்விக்கு பிரதி அமைச்சர் அனில் ஜயந்தவால் பதிலளிக்க முடியாமல் போனது வருத்தமளிக்கும் விடயமாக காணப்படுகின்றது. இதற்கு பதில்கள் இல்லாமல் 2027ஆம் ஆண்டுக்கான வரவு செலவுத் திட்ட உரையை எங்ஙனம் நிகழ்த்தப்போகிறீர்கள். வரவு செலவுத் திட்ட முன்னேற்றங்கள் குறைந்த மட்டத்தில் காணப்படுவதால்தானே அதன் முன்னேற்றத்தை மறைத்து வருகிறீர்கள்.&nbsp; இன்னும் 3 வாரங்களில் 2027 வரவு செலவுத் திட்ட உரை நிகழ்த்தப்படவுள்ளது. இந்த கேள்விகளுக்கு கடந்த 6 மாதங்களாக பதில் தர முடியாமல் தானே போயுள்ளது. இந்த ஆட்சியின் காரணமாக நாடு ஆபத்தான மட்டத்தில் காணப்படுகின்றது. சிறந்த ஆட்சியை இவர்களால் முன்னெடுக்க முடியாமல் போயுள்ளது என்று எதிர்க்கட்சித் தலைவர் சஜித் பிரேமதாச தெரிவித்தார். பாராளுமன்றத்தில் இன்று (22) உரையாற்றும்போதே அவர் இவ்வாறு தெரிவித்தார். போதைப்பொருள் பரவல் குறித்து இதைவிட ஆழமாக நாம் சிந்திக்க வேண்டும். போதைப்பொருள் பரவல், வியாபாரம் மற்றும் அவற்றின் விநியோகம் என்பவற்றை முழுமையாக அழிப்பதற்கு அரசுக்கு மாத்திரமின்றி சமூகத்திற்கும், சட்டவாக்கத்திற்கும், குடிமக்களுக்கும் பொறுப்புகள் காணப்படுகின்றன. இன்று போதைப்பொருள் வர்த்தகம் பாடசாலை அமைப்பிற்குள் நுழைந்து வேகமாக பரவி வருவது கள யதார்த்தமாக காணப்படுகின்றன.&nbsp; நாட்டின் இளம் சந்ததியினர் போதைப்பொருள் அரக்கனுக்கு இரையாகி வருவதால், இந்த வர்த்தகங்களுடன் தொடர்புடைய அனைத்து கட்டமைப்புகளையும் இல்லாதொழித்து துடைத்தெறிய வேண்டும் என்ற நிலைப்பாட்டில்தான் ஐக்கிய மக்கள் சக்தி இருக்கின்றது. போதைப்பொருள் வர்த்தகத்தை கட்டுப்படுத்த எம்மால் பெற்றுத் தர முடியுமான உச்சபட்ச ஆதரவை நாம் பெற்றுத் தருவோம்.&nbsp; இந்த போதைப்பொருள் வர்த்தகத்தை இல்லாதொழிப்பதற்கு எமது நாட்டில் வெற்றிகரமான முறையொன்று இல்லை. சிங்கப்பூரில் போதைப்பொருள் வர்த்தகம் கட்டுப்படுத்தப்பட்டிருப்பதற்கும், இலங்கையில் அது பரவியிருப்பதற்குமான காரணங்களை ஆராய வேண்டும். போதைப்பொருளுடன் பிடிபட்டால் சிங்கப்பூர் கடுமையான தண்டனைகளை வழங்கி வருகின்றது. இருந்த போதிலும், நமது நாட்டில் போதைப்பொருள் வர்த்தகர்கள் சிறைச்சாலைக்குள் இருந்துகொண்டே போதைப்பொருள் வர்த்தகத்தில் ஈடுபட்டு வருகின்றனர்.&nbsp; நமது நாட்டில் நீதித்துறை சுயாதீனமான நீதிமன்றத்தின் நம்பகத்தன்மை மற்றும் ஒளிவுமறைவற்ற தன்மையுடன் இந்த நடவடிக்கைகளை மேற்கொள்ள வேண்டும். போதைப்பொருள் வர்த்தகம் மற்றும் போதைப்பொருளை ஊக்குவிக்கும் அனைவரையும் இல்லாதொழிப்பதற்கு&nbsp;பெற்றுத் தர முடியுமான உச்சபட்ச ஆதரவை ஐக்கிய மக்கள் சக்தியான நாம் பெற்றுத் தருவோம். யானை வளத்தைப் பாதுகாக்க சமூக ரீதியிலான முறையொன்று தேவைப்படுகின்றது.&nbsp; காவந்திஸ்ஸ யானை நோய்வாய்ப்பட்டிருப்பது செப்டம்பர் மாத இறுதியில் அவதானிக்கப்பட்டது. நானும் இதுபற்றி அறிந்தவுடன் இசுரு என்ற மிருக வைத்தியருடன் பேசினேன். அதன் பின்னர் அந்த யானை கல்கமுவ, சியம்பலாங்கமுவ பிரதேசத்தில் நடமாடி, நீராவி பிரதேசத்திற்குச் செல்லும் போது இந்த யானைக்கு உணவு ஒவ்வாத, வயிற்றுப்போக்கு பிரச்சினை இருப்பதாக மக்கள் அவதானித்ததை அடுத்து பல மிருக வைத்தியக் குழுக்கள் சிகிச்சை பெற்றுக் கொடுத்தன. காவந்திஸ்ஸ யானைக்கு வயிற்றுப்போக்கு நிலை ஏற்பட்டதன் காரணமாக உணவு உண்ணாததால் அந்த யானையின் மலத்தைப் பரிசோதிக்க முடியாமல் போனதும், மழை நிலைமை காரணமாக இதற்கு இடையூறும் ஏற்பட்டன. விடயத்திற்குப் பொறுப்பான அமைச்சர் அங்கு வரும்போது யானை நீருக்குள் இருந்தது. இரவு வேளையில் கரையேறியது. யானை நீருக்குள் இருக்கும்போது சங்கடங்களுக்கு ஆளாகி இருப்பதை அவதானித்து சிகிச்சை அளிக்கப்பட்ட போதிலும், காவந்திஸ்ஸ யானையை நாடு இழப்பதற்கு நேரிட்டது.&nbsp; இனியாவது இந்த யானை மற்றும் வனசீவராசிகள் வளங்களைப் பாதுகாக்க சமூக அடிப்படையிலான, சமூகத்தை மையமாகக் கொண்ட, சமூகத் தலைமைத்துவ சுற்றாடல் அபிவிருத்தியை நோக்கிச் செல்ல வேண்டும். இந்த விலங்குகளைப் பாதுகாப்பது அரசின் மாத்திரமின்றி சமூகத்தினது ஆதரவையும் பெற வேண்டும். இதன் மூலம் மக்களுக்குப் பலன் கிடைக்கும் வகையில் சுற்றாடல் சார்ந்த சுற்றுலாத்துறையையும் நாம் மேம்படுத்த வேண்டும். மஹாசேன் யானை காணாமல் போயுள்ளது. விரைந்து அந்த யானையையும் தேடி கண்டுபிடியுங்கள்.&nbsp; தற்போது எஞ்சியுள்ள யானை வளத்தைப் பாதுகாத்துக்கொள்ள விசேட பாதுகாப்பு நடவடிக்கையொன்றை எடுப்பது அவசியமான விடயமாக காணப்படுகின்றன. சிவில் பாதுகாப்புப் படை, முப்படையினர், வனசீவராசிகள் திணைக்களம் மற்றும் சுற்றாடல் அமைச்சு ஆகியவற்றை ஒன்றிணைத்து பிரத்தியேக படை அணியொன்றை ஸ்தாபிக்க வேண்டும்.&nbsp;தந்தத்தின் அளவைப் பார்த்தால் காவந்திஸ்ஸ யானையை விட இலங்கையில் இருக்கும் அடுத்த மிகப்பெரிய யானை மஹாசேன் யானையே காணப்படுகின்றது.&nbsp; இந்த யானை மரதன்கடவல பிரதேசத்தில் சுற்றித்திரிந்தது. பல்வேறு காலங்களில் இந்த யானை இடம்பெயர்ந்து சென்ற போதிலும், தற்சமயம் இந்த யானை காணாமல் போயுள்ளது. அக்போ யானையைத் தேட நடவடிக்கை எடுத்தது போல், மஹாசேன் யானையையும் தேட நடவடிக்கை எடுக்க வேண்டும். இந்த யானை வளத்தைப் பாதுகாத்துக் கொள்ள தெளிவான வேலைத்திட்டமொன்று எமக்கு அவசியமாக காணப்படுகின்றது. யானைகளைப் பாதுகாக்க முப்படையினர் மற்றும் சிவில் பாதுகாப்புப் படைகளை ஒன்றிணைத்து அலகொன்றை உருவாக்குங்கள்.&nbsp; வடமேல் மாகாணத்தில் இருக்கும் சதுர குணரத்ன மற்றும் ஒலுகல போன்றை இணைத்துக் கொண்டு, யானை வளத்தைப் பாதுகாக்கும் பிராந்திய வேலைத்திட்டங்களை நோக்கிச் செல்ல வேண்டும். இது காலத்தின் தேவை என்றும் எதிர்க்கட்சித் தலைவர் இங்கு யோசனை தெரிவித்தார்.

2027 வரவு செலவுத் திட்டத்தை எவ்வாறு முன்வைக்கப் போகிறீர்கள்? – சஜித் கேள்வி

2027 வரவு செலவுத் திட்டத்தை எவ்வாறு முன்வைக்கப் போகிறீர்கள்? – சஜித் கேள்வி

You may also like