சர்வதேச போதைப்பொருள் வலையமைப்புடன் தொடர்புடையவர் எனக் கூறப்படும் தெற்கிலங்கையின் பாதாள உலகக் குழு உறுப்பினரான பத்தபெந்தி மத்துமகே ஷெஹான் சத்சர எனப்படும் ‘தெஹிபாலே மல்லி’ உள்ளிட்ட நால்வர் ஜோர்ஜிய பாதுகாப்புப் பிரிவினரால் கைது செய்யப்பட்டுள்ளதாகத் தகவல்கள் வெளியாகியுள்ளன. இவர்கள் கடந்த இரண்டு நாட்களுக்கு முன்னர் கைது செய்யப்பட்டுள்ளதாகத் தெரிவிக்கப்படுகிறது. கைது செய்யப்பட்ட ஏனைய மூவரும் தெஹிபாலே மல்லியின் சகாக்கள் எனத் தெரிவிக்கப்படுகிறது. டுபாயிலிருந்து ஜோர்ஜியா ஊடாக ஐரோப்பிய நாடொன்றுக்குச் சட்டவிரோதமாகத் தப்பிச் செல்ல முயன்றபோதே இவர்கள் ஜோர்ஜிய பாதுகாப்புப் பிரிவினரிடம் சிக்கியுள்ளதாக டுபாயிலிருந்து கிடைத்த தகவல்கள் தெரிவிக்கின்றன. இது தொடர்பில் பாதாள உலகக் குற்றச்செயல்களை ஒடுக்குவதில் ஈடுபட்டுள்ள சிரேஷ்ட பொலிஸ் அதிகாரி ஒருவரிடம் வினவியபோது, தெஹிபாலே மல்லி உள்ளிட்ட நால்வரும் ஜோர்ஜியாவில் கைது செய்யப்பட்டுள்ளதாகத் தமக்கும் தகவல்கள் கிடைத்துள்ளதாகத் தெரிவித்துள்ளார். எனினும், கைது தொடர்பான மேலதிக விபரங்கள் மற்றும் சட்ட நடவடிக்கைகள் குறித்து இதுவரை உத்தியோகபூர்வ தகவல்கள் வெளியாகவில்லை.

Update- ‘தெஹிபாலே மல்லி’ ஜோர்ஜியாவில் கைது !

Update- ‘தெஹிபாலே மல்லி’ ஜோர்ஜியாவில் கைது !

You may also like