2025 ஆம் ஆண்டுடன் ஒப்பிடுகையில், கடந்த ஏப்ரல் 10 ஆம் திகதி முதல் 19 ஆம் திகதி வரையான காலப்பகுதியில், வாகன விபத்துக்களின் எண்ணிக்கை அதிகரித்துள்ளதாக போக்குவரத்து கட்டுப்பாடு மற்றும் வீதி பாதுகாப்பு பிரிவிற்கு பொறுப்பான பிரதி பொலிஸ் மா அதிபர் டபிள்யூ. பி. ஜே. சேனாதீர தெரிவித்துள்ளார்.&nbsp; இன்று (20) இடம்பெற்ற செய்தியாளர் சந்திப்பொன்றில் கலந்து கொண்டு கருத்து வெளியிட்ட போதே அவர் இதனை குறிப்பிட்டுள்ளார். கடந்த 10 ஆம் திகதி முதல் 19 ஆம் திகதி வரையான காலப்பகுதியை எடுத்துக்கொண்டால், உயிரிழப்பு விபத்துக்கள் 18 ஆக அதிகரித்துள்ளன. விபத்துக்களினால் உயிரிழந்தவர்களின் எண்ணிக்கை 20 ஆக அதிகரித்துள்ளது.&nbsp; கடந்த வருடத்துடன் ஒப்பிடுகையில் பாரதூரமான விபத்துக்கள் 94 ஆகவும், சிறிய விபத்துக்கள் 49 ஆகவும் அதிகரித்துள்ளன.&nbsp; சொத்து சேதங்களை ஏற்படுத்திய விபத்துக்கள் 48 ஆக அதிகரித்துள்ளன.&nbsp; விபத்துக்களைத் தடுப்பதற்கான விழிப்புணர்வு செயற்பாடுகள் முன்னெடுக்கப்பட்டன. எனினும் அதனை கட்டுப்படுத்த முடியாத நிலை ஏற்பட்டதாக போக்குவரத்து கட்டுப்பாடு மற்றும் வீதி பாதுகாப்பு பிரிவிற்கு பொறுப்பான பிரதி பொலிஸ் மா அதிபர் டபிள்யூ. பி. ஜே. சேனாதீர தெரிவித்துள்ளார்.

புத்தாண்டு கால வாகன விபத்துக்களின் எண்ணிக்கை உயர்வு

புத்தாண்டு கால வாகன விபத்துக்களின் எண்ணிக்கை உயர்வு

You may also like