ஸ்காட்லாந்தின் கிளாஸ்கோ நகரில் கொமன்வெல்த் விளையாட்டுப் போட்டிகள் நாளை (ஜூலை 23) தொடங்கி ஒகஸ்ட் 2 வரை நடைபெறவுள்ளன. பிரிட்டிஷ் பேரரசின் ஆளுகையில் இருந்த நாடுகளின் கூட்டமைப்பான கொமன்வெல்த் சார்பில் நான்காண்டுகளுக்கு ஒருமுறை நடத்தப்படும் இப்போட்டி, ஒலிம்பிக் மற்றும் ஆசியப் போட்டிகளுக்கு அடுத்தபடியாக உலகின் மிகப்பெரிய விளையாட்டு நிகழ்வாகக் கருதப்படுகிறது. முன்னதாக 2026 போட்டிகளை நடத்தவிருந்த அவுஸ்திரேலியாவின் விக்டோரியா மாகாணம் நிதித் தட்டுப்பாடு காரணமாக விலகியதை அடுத்து, தற்போது கிளாஸ்கோ நகரம் போட்டியை ஏற்று நடத்துகிறது. செலவைக் குறைக்கும் நோக்கில் வழக்கமான 20-க்கும் மேற்பட்ட விளையாட்டுகள் 10 விளையாட்டுகளாகக் குறைக்கப்பட்டுள்ளதால், ஹாக்கி மற்றும் துப்பாக்கி சுடுதல் போன்ற பல்வேறு போட்டிகள் நீக்கப்பட்டுள்ளன; இது இந்தியாவிற்குப் பதக்க எண்ணிக்கையில் பாதிப்பை ஏற்படுத்தலாம். இத்தொடரில் 74 நாடுகளைச் சேர்ந்த 3,000 வீரர், வீராங்கனைகள் பங்கேற்கின்றனர். இந்தியா சார்பில் 126 வீரர், வீராங்கனைகள் உட்பட மொத்தம் 191 பேர் கலந்துகொள்ளும் இப்போட்டியின் தொடக்க விழாவில், இங்கிலாந்து மன்னர் சார்லஸ் மற்றும் அரசி கமீலா ஆகியோர் சிறப்பு விருந்தினர்களாகப் பங்கேற்கின்றனர்.

நாளைமுதல் ஆரம்பமாகும் கொமன்வெல்த் 2026 போட்டிகள்

நாளைமுதல் ஆரம்பமாகும் கொமன்வெல்த் 2026 போட்டிகள்

You may also like