ஈரானில் இடம்பெற்று வரும் பாரதூரமான மனித உரிமை மீறல்களைக் கருத்திற்கொண்டு, அந்த நாட்டின் மீது விதிக்கப்பட்டுள்ள கட்டுப்பாட்டு நடவடிக்கைகளை ஐரோப்பிய ஒன்றியம் தீர்மானித்துள்ளது. இந்த தடை அடுத்த வருடம் ஏப்ரல் 13ஆம் திகதி வரை நீடிக்கப்பட்டுள்ளது.&nbsp; ஐரோப்பிய ஒன்றியத்தின் இந்தத் தடைகளின் கீழ், ஈரானிய அதிகாரிகள் மற்றும் சம்பந்தப்பட்ட நபர்களுக்கான பயணத் தடை, அவர்களின் சொத்துக்களை முடக்குதல், உள்நாட்டு அடக்குமுறைகளுக்குப் பயன்படுத்தக்கூடிய உபகரணங்கள் மற்றும் தொலைத்தொடர்பு கண்காணிப்பு கருவிகளை ஈரானுக்கு ஏற்றுமதி செய்வதற்கான தடை உள்ளிட்ட கட்டுப்பாடுகள் விதிக்கப்பட்டுள்ளன. ஐரோப்பிய ஒன்றியத்தின் இந்தத் தடைப் பட்டியலில் தற்போது மொத்தம் 262 தனிநபர்களும் 53 நிறுவனங்களும் உள்வாங்கப்பட்டுள்ளன. பட்டியலில் உள்ள நபர்களுக்கோ அல்லது நிறுவனங்களுக்கோ நிதி வழங்குவதை ஐரோப்பிய ஒன்றியம் முற்றாக நிறுத்தியுள்ளது. ஈரானில் இடம்பெறும் மனித உரிமை அத்துமீறல்களுக்கு எதிராக 2011ஆம் ஆண்டு முதன்முதலில் இந்தத் தடை முறையை அறிமுகப்படுத்திய ஐரோப்பிய ஒன்றியம், அதனை ஆண்டுதோறும் நீடித்து வருகின்றமை குறிப்பிடத்தக்கது.

ஈரானுக்கு எதிரான மனித உரிமைத் தடைகளை ஐரோப்பிய ஒன்றியம் நீடித்தது

ஈரானுக்கு எதிரான மனித உரிமைத் தடைகளை ஐரோப்பிய ஒன்றியம் நீடித்தது

You may also like