brand logo
ஆர்.சி.பியை 28 ஓட்டங்கள் வித்தியாசத்தில் வீழ்த்தியது லக்னோ

ஆர்.சி.பியை 28 ஓட்டங்கள் வித்தியாசத்தில் வீழ்த்தியது லக்னோ

02 April 2024



ஐ.பி.எல். தொடரின் 15-வது லீக் ஆட்டத்தில் ரோயல் சேலஞ்சர்ஸ் பெங்களூரு அணியும், லக்னோ சூப்பர் ஜெயன்ட்ஸ் அணியும் மோதின. இதில் நாணயசுழற்சியில் வென்ற பெங்களூரு அணி பந்து வீச்சை தேர்வு செய்துள்ளது.


அதன்படி களமிறங்கிய லக்னோ அணி 20 ஓவர் முடிவில் 5 விக்கெட்டுகளை இழந்து 181 ஓட்டங்களை சேர்த்தது. அதிகபட்சமாக டிகாக் 81 ஓட்டங்களை எடுத்து ஆட்டமிழந்தார். ஆர்.சி.பி அணி தரப்பில் மேக்ஸ்வெல் 2 விக்கெட்டும் சிராஜ், ரீஸ் டோப்லி 1 விக்கெட்டும் வீழ்த்தினர்.


இதனையடுத்து ஆர்.சி.பி அணியின் தொடக்க ஆட்டக்காரர்களாக விராட் கோலி - டுபிளிசிஸ் களமிறங்கினர். சிறப்பாக ஆடிய விராட் கோலி 22 ஓட்டங்களில் ஆட்டமிழந்தார்.


மறுமுனையில் ஆடிய டுபிளிசிஸ் 1 ஓட்டத்திற்கு ஆசைபட்டு தனது விக்கெட்டை ரன் அவுட் முறையில் இழந்தார். அடுத்து வந்த மேக்ஸ்வெல் டக் அவுட்டில் வெளியேறினார். அடுத்து வந்த க்ரீன் 9 ஓட்டங்களில் ஆட்டமிழந்தார். அடுத்து வந்த வீரர்கள் சொற்ப ஓட்டங்களுடன் பெவிலியன் திரும்பினர். அதிரடியாக விளையாடி லோம்ரோர் ஆர்.சி.பி வெற்றிக்காக போராடினார். அவர் 13 பந்தில் 33 ஓட்டங்கள் எடுத்து ஆட்டமிழக்க ஆர்சிபி அணியின் தோல்வி உறுதியானது.


இறுதியில் ஆர்சிபி அணி 19.4 ஓவரில் அனைத்து விக்கெட்டுகளையும் இழந்து 153 ஓட்டங்களை சேர்த்தது. இதனால் லக்னோ அணி 28 ஓட்டங்கள் வித்தியாசத்தில் வெற்றி பெற்றது. 


லக்னோ அணி தரப்பில் மயங்க் யாதவ் 3 விக்கெட்டுகளை அள்ளினார். இது ஆர்சிபி அணிக்கு 3-வது தோல்வியாகும். இது லக்னோ அணிக்கு 2-வது வெற்றி ஆகும்.


You may also like