நாட்டின் கடந்த 24 மணி நேரத்தில் பல பகுதிகளில் கனமழை பெய்துள்ளதாகவும், புத்தளம் மாவட்டத்தின் கரந்திபொவல் பகுதியில் அதிகபட்சமாக 195.7 மில்லிமீற்றர் மழைவீழ்ச்சி பதிவாகியுள்ளதாக வளிமண்டலவியல் திணைக்களம் தெரிவித்துள்ளது. இதன்படி, குளியாப்பிட்டிய பகுதியில் 193.0 மில்லிமீற்றர் மழைவீழ்ச்சியும், இல்லுப்பைக்கடவை பகுதியில் 187.5 மில்லிமீற்றர் மழைவீழ்ச்சியும் பதிவாகியுள்ளன. இதேவேளை, வங்காள விரிகுடாவின் மேற்கு-மத்திய பகுதியில் ‘அர்னாப்’ (Arnab) என்ற சூறாவளி உருவாகியுள்ளதாகவும், அது இலங்கையில் மறைமுகமான தாக்கத்தை ஏற்படுத்தக் கூடும் எனவும் திணைக்களம் குறிப்பிட்டுள்ளது. இதன் காரணமாக வடக்கு, மேல், சப்ரகமுவ, வடமேல், மத்திய மற்றும் தென் மாகாணங்களிலும் அநுராதபுரம் மாவட்டத்திலும் கன மழை பெய்யக்கூடும் என எதிர்பார்க்கப்படுவதாக வளிமண்டலவியல் திணைக்களம் மேலும் தெரிவித்துள்ளது.

புத்தளம் கரந்திபொவல் பகுதியில் அதிஉச்ச மழைவீழ்ச்சி

புத்தளம் கரந்திபொவல் பகுதியில் அதிஉச்ச மழைவீழ்ச்சி

You may also like