யாழ்ப்பாணம் மாநகர சபைக்குட்பட்ட கல்லுண்டாய் குப்பை மேட்டில் நேற்று மாலை 6 மணி முதல் தீப்பற்றி எரிந்து வருவதால், அப்பகுதியில் பெரும் பதற்றமான நிலை ஏற்பட்டுள்ளது. தீ நீண்ட நேரமாகியும் கட்டுப்பாட்டுக்குள் கொண்டுவரப்படாத நிலையில், தீயணைப்புப் படையினர் தொடர்ந்து தீயை கட்டுப்படுத்தும் பணிகளில் ஈடுபட்டு வருகின்றனர். குப்பை மேட்டிலிருந்து வெளியேறும் அடர்ந்த புகையால், அப்பகுதி மக்கள் மட்டுமன்றி குறித்த வீதியால் பயணிக்கும் வாகன ஓட்டிகள் மற்றும் பாதசாரிகளும் பெரும் சிரமங்களை எதிர்நோக்கி வருகின்றனர். இதனையடுத்து, குப்பை மேட்டு பிரச்சினைக்கு தீர்வு கோரி மாநகர சபைக்கு எதிராக அப்பகுதி மக்கள் தொடர்ச்சியான போராட்டத்தில் ஈடுபட்டு வருகின்றனர். சம்பவ இடத்திற்கு நேரில் சென்ற வலிகாமம் தென்மேற்கு பிரதேச சபையின் தவிசாளர் கந்தையா யெசீதன், பாதிக்கப்பட்ட மக்களின் பக்கமே நின்று செயற்படுவதாக உறுதியளித்தார். இதேவேளை, மத்திய சுற்றாடல் அதிகாரசபையின் அதிகாரிகளும் சம்பவ இடத்திற்கு சென்று நிலைமையை நேரில் பார்வையிட்டுள்ளனர்.

யாழ். கல்லுண்டாய் குப்பை மேட்டில் தீ - மக்கள் தொடர் போராட்டம்!

யாழ். கல்லுண்டாய் குப்பை மேட்டில் தீ - மக்கள் தொடர் போராட்டம்!

You may also like