கடந்த ஜூன் மாதம் கையெழுத்திடப்பட்ட கட்டமைப்பு ஒப்பந்தத்தை இஸ்ரேல் கடைப்பிடிக்கவில்லை என லெபனான் ஜனாதிபதி ஜோசப் அவுன் குற்றஞ்சாட்டியுள்ளார்.&nbsp; தெற்கு லெபனானில் இஸ்ரேல் தொடர்ந்து மேற்கொண்டு வரும் அன்றாட மீறல்கள், ஒப்பந்தத்தின் கீழ் லெபனான் அரசு தனது கடமைகளை நிறைவேற்றுவதற்குத் தடையாக இருப்பதாகவும் அவர் தெரிவித்துள்ளார். அமெரிக்காவின் மத்தியஸ்தத்தில் இரு நாடுகளுக்கும் இடையே எட்டப்பட்ட இந்த ஒப்பந்தம், ஹிஸ்புல்லா அமைப்பின் ஆயுதக் களைவுக்குப் பின்னர் தெற்கு லெபனானிலிருந்து இஸ்ரேலியப் படைகள் வெளியேற வழிவகுக்கும் என எதிர்பார்க்கப்பட்டது.&nbsp; எனினும், லெபனான் நிலப்பரப்பில் இஸ்ரேலியப் படைகள் தொடர்ந்து நிலைகொண்டிருக்கும் வரை ஆயுதங்களைக் கைவிடப் போவதில்லை என ஹிஸ்புல்லா அமைப்பு தெரிவித்துள்ளது. இராஜதந்திரத் தீர்வில் லெபனான் உறுதியாக இருப்பதாகக் குறிப்பிட்ட ஜனாதிபதி ஜோசப் அவுன், அழிவை ஏற்படுத்தும் போரைவிட இராஜதந்திரத் தீர்வு குறைந்த பாதிப்புகளைக் கொண்டது என வலியுறுத்தியுள்ளார்.&nbsp; இதற்கிடையில், லெபனானின் சுமார் ஐந்தில் ஒரு பகுதி நிலப்பரப்பை இஸ்ரேல் தொடர்ந்து ஆக்கிரமித்துள்ளதாகவும், பல கிராமங்கள் அழிக்கப்பட்டுள்ளதாகவும் தெரிவிக்கப்படுகிறது.

கட்டமைப்பு ஒப்பந்தத்தை இஸ்ரேல் மீறுகிறது! லெபனான் ஜனாதிபதி குற்றச்சாட்டு

கட்டமைப்பு ஒப்பந்தத்தை இஸ்ரேல் மீறுகிறது! லெபனான் ஜனாதிபதி குற்றச்சாட்டு

You may also like