நாடு முழுவதிலுமுள்ள தோட்டப்புறப் பாடசாலைகளில் டிஜிட்டல் கல்வியை ஊக்குவிக்கவும், உட்கட்டமைப்பு வசதிகளை மேம்படுத்தவும் பல்வேறு திட்டங்கள் முன்னெடுக்கப்பட்டு வருவதாக பிரதமர் கலாநிதி ஹரிணி அமரசூரிய தெரிவித்துள்ளார். பாராளுமன்றத்தில் நேற்று (07) நுவரெலியா மாவட்ட பாராளுமன்ற உறுப்பினர் வேலுச்சாமி இராதாகிருஸ்ணன் முன்வைத்த கேள்விக்கு பதிலளிக்கும்போதே பிரதமர் இதனைத் குறிப்பிட்டுள்ளார். இந்திய நிதியுதவியின் கீழ் 60 தோட்டப்புறப் பாடசாலைகளில் ஸ்மார்ட் வகுப்பறைகளை அமைப்பதற்கும், மேலும் 75 பாடசாலைகளின் கட்டடங்களை புனரமைப்பதற்கும் நிதி ஒதுக்கப்பட்டுள்ளது. மேலும், இணைய வசதியற்ற 711 தோட்டப்புறப் பாடசாலைகளில் 446 பாடசாலைகளுக்கு இணைய வசதி வழங்கும் பணிகள் முன்னெடுக்கப்பட்டு வருவதுடன், 2026 டிசம்பர் 31ஆம் திகதிக்குள் அனைத்து இரண்டாம் நிலைப் பாடசாலைகளுக்கும் இணைய வசதியை வழங்க நடவடிக்கை எடுக்கப்பட்டுள்ளது. அத்துடன், ஆசிரியர்களுக்கு டிஜிட்டல் சாதனங்களைப் பயன்படுத்துவது தொடர்பில் பயிற்சிகள் வழங்கப்பட்டுள்ளதுடன், பாடசாலைக் கல்வியில் செயற்கை நுண்ணறிவு மற்றும் டிஜிட்டல் கற்றல் முறைகளை அறிமுகப்படுத்துவதற்கும் நடவடிக்கைகள் முன்னெடுக்கப்பட்டு வருவதாக பிரதமர் மேலும் கூறியுள்ளார்.

தோட்டப்புற பாடசாலைகளில் டிஜிட்டல் கல்விக்கு விசேட திட்டங்கள் - பிரதமர்

தோட்டப்புற பாடசாலைகளில் டிஜிட்டல் கல்விக்கு விசேட திட்டங்கள் - பிரதமர்

You may also like