இலங்கை மின்சார சபையின் மறுசீரமைப்பு செயற்பாட்டின் கீழ் நிறுவப்பட்ட புதிய நிறுவனங்களுக்கு நியமிக்கப்பட்ட தலைவர்களுக்கும் ஜனாதிபதி அநுர குமார திசாநாயக்கவிற்கும் இடையிலான சந்திப்பு இன்று (13) பிற்பகல் ஜனாதிபதி அலுவலகத்தில் நடைபெற்றது. இந்த மறுசீரமைப்பு செயல்முறையுடன் எழுந்துள்ள ஊழியர்களின் கோரிக்கைகள் குறித்து விசேட கவனம் செலுத்தப்பட்டதுடன், அந்த அனைத்து பிரச்சினைகளுக்கும் உடனடி தீர்வுகளை வழங்குவதன் மூலம் திருப்திகரமான சேவையை வழங்கக்கூடிய தொழிற்சூழலை நிறுவனங்களுக்குள் உருவாக்க வேண்டியதன் அவசியத்தை ஜனாதிபதி இங்கு சுட்டிக்காட்டினார். அரசாங்கத்தின் எதிர்கால பொருளாதாரத் திட்டங்களில் வலுசக்தித் துறை முக்கிய காரணியாக மாறும் என்பதை சுட்டிக்காட்டிய ஜனாதிபதி , அதன்போது வலுவான நிறுவன கட்டமைப்பின் அவசியத்தையும் விளக்கினார். அந்த நிறுவன கட்டமைப்பை மேம்படுத்தி, எதிர்பார்க்கும் இலக்குகளை அடைவதற்கு புதிய தலைவர்கள் உட்பட நிர்வாக அதிகாரிகள் அர்ப்பணிப்புடன் செயற்படுவார்கள் என்றும் ஜனாதிபதி நம்பிக்கை தெரிவித்தார். அரசாங்கத்தின் இந்த மாற்றத்துடன் கூடிய வேலைத் திட்டத்தின் வெற்றிக்கு தம்மால் முடிந்த அனைத்து பங்களிப்பையும் வழங்குவதாக புதிய தலைவர்கள் ஜனாதிபதியிடம் உறுதியளித்தனர். வலுசக்தி அமைச்சர் பொறியியலாளர் குமார ஜயகொடி,&nbsp;வலுசக்தி பிரதி அமைச்சர் பொறியியலாளர் அர்கம் இல்யாஸ் மற்றும் வலுசக்தி அமைச்சின் செயலாளர் பேராசிரியர் கே.டி.எம். உதயங்க ஹேமபால உட்பட அதிகாரிகள் பலர் இந்நிகழ்வில் கலந்து கொண்டனர்.

இலங்கை மின்சார சபையின் புதிய நிறுவன தலைவர்கள் ஜனாதிபதியுடன் சந்திப்பு

இலங்கை மின்சார சபையின் புதிய நிறுவன தலைவர்கள் ஜனாதிபதியுடன் சந்திப்பு

You may also like