கிளிநொச்சி மாவட்டம் பச்சிலைப்பள்ளி பிரதேச செயலாளர் பிரிவில் முகாவில் பகுதியில் தமிழ் மக்களது காணிகளை ஆக்கிரமித்து கடந்த 17 வருடங்களாக நிலைகொண்டுள்ள ஸ்ரீலங்கா இராணுவத்தினர் 4வது பட்டாலியன் மின் மற்றும் இயந்திரவியல் பகுதி படைகளுக்காக காணிகளை வழங்கும் நோக்கில் தமிழ் மக்களுக்குச் சொந்தமான காணிகளை அவர்களது விருப்பத்திற்கு மாறாக அளவீடு செய்து சுவீகரிக்கும் நோக்கில் எதிர்வரும் 02ஆம் திகதியன்று முகாவில் பகுதியில் நடைபெறவுள்ள அளவீட்டுக்கு எதிராக காணி உரிமையாளர்கள் போராடத் தீர்மானித்துள்ளனர். அவர்கள் முன்னெடுக்கும் போராட்டத்திற்கு தமிழ்த் தேசிய மக்கள் முன்னணி பூரண ஆதரவை தெரிவித்துக் கொள்வதுடன் அனைத்து சமூக ஆர்வலர்களையும் கலந்த கொள்ளுமாறும் கேட்டுக்கொள்கின்றோம். என தமிழ்த் தேசிய மக்கள் முன்னணி தெரிவித்துள்ளது. இனவழிப்பு இராணுவ படையணிக்கு ஒரு அங்குல காணியும் வழங்க முடியாது. இனவழிப்பு செய்த படைகள் எவ்வித பொறுப்புக்கூறலும் இன்றி எமது மண்ணில் நிலைகொள்ள அனுமதிக்க முடியாது. அவர்கள் முழுமையாக வெளியேற வேண்டும். என்று மேலும் குறிப்பிட்டுள்ளது.

காணி அளவீடு செய்வதற்கு எதிரான போராட்டத்திற்கு த. தே. ம. மு பூரண ஆதரவு

காணி அளவீடு செய்வதற்கு எதிரான போராட்டத்திற்கு த. தே. ம. மு பூரண ஆதரவு

You may also like