நம்பிக்கையைத் தளரவிடாது, தங்கள் உறவுகள் மூவரும் உயிருடன் உள்ளார்கள் என்ற நம்பிக்கையுடன் இருங்கள் என,&nbsp;முல்லைத்தீவு - மாத்தளன் பகுதியிலிருந்து கடந்த 26ஆம் திகதி கடற்றொழிலுக்குச்சென்று காணாமல்போன மீனவர்களது உறவினர்களுக்கு வன்னிமாவட்ட நாடாளுமன்ற உறுப்பினர் துரைராசா ரவிகரன் நேற்று&nbsp;ஆறுதல் கூறியுள்ளார். அத்தோடு முல்லைத்தீவு மாவட்ட அனர்த்த முகாமைத்துவ பிரிவுடன் கலந்துரையாடி&nbsp;காணாமல் போன மீனவர்களைத் தேடிச்செல்லும் மீனவர் அணியினருக்காக பாதுகாப்புச் சட்டைகளையும் (safety jacket) பெற்றுக்கொடுப்பதற்கான ஒழுங்குகளையும் நாடாளுமன்ற உறுப்பினர் ரவிகரன் இதன்போது மேற்கொண்டார். மேலும் இதன்போது நாடாளுமன்ற உறுப்பினர் ரவிகரன் கருத்துத் தெரிவிக்கையில், காணாமல்போயிருக்கின்ற மூன்றுபேரையும் தேடுவதற்கு நடவடிக்கை மேற்கொள்ளுமாறு எம்மால் கடற்றொழில் அமைச்சர், முல்லைத்தீவு மாவட்டசெயலாளர், முல்லைத்தீவு மாவட்ட அனர்த்த முகாமைத்துவப் பிரிவு உள்ளிட்ட தரப்பினரிடம் ஏற்கனவே வலியுறுத்தப்பட்டுள்ளது. அதற்கமைய கடற்படையினர் மற்றும் விமானப்படையினர் உள்ளிட்ட தரப்பினர் காணமல்போன மூன்று பேரையும் தேடுகின்ற செயற்பாடுகளை முன்னெடுத்திருந்ததாக அறிகின்றோம். அத்தோடு மாத்தளன் கடற்றொழிலாளர் சங்கம் மற்றும் இளைஞர்களின் உதவியுடன் எட்டுப்படகுகள் 70கிலோமீற்றர்வரையில் கடலுக்குள் சென்று தேடுதலில் ஈடுபட்டிருந்தனர். என்னைப்பொறுத்தவரை அவர்கள் திரும்பி வருவார்கள். அவர்கள் மூவரும் திரும்பி வரவேண்டும் என்ற வேண்டுதலுடன் கடற்றொழிலாளர் சங்கத்தினரும், இளைஞர்களும் தேடுதல் பணிகளை முன்னெடுக்கவிருக்கின்றனர். எனவே மூவரையும் பறிகொடுத்துவிட்டோமென நினைத்து உறவுகள் கவலைகொள்ளவேண்டாம். மூவரும் இருக்கின்றார்கள் என நினைத்துக்கொள்ளுங்கள். உறவுகள் மூவரும் இருக்கின்றார்கள் என்ற நம்பிக்கையுடனேயே மீண்டும் வியாழன்&nbsp;இந்த இளைஞர்கள் தேடிச் செல்லவுள்ளனர். ஆகவே நம்பிக்கையைத் தளரவிடாது, தங்கள் உறவுகள் மூவரும் உயிருடன் உள்ளார்கள் என்ற நம்பிக்கையுடன் இருங்கள் என நாடாளுமன்ற உறுப்பினர் ரவிகரன் இதன்போது காணாமல் போன மீனவர்களின் உறவினர்களுக்கு ஆறுதல் கூறினார்.

காணாமல்போன மீனவர்களின் உறவுகளுக்கு ஆறுதல் கூறிய ரவிகரன் எம்.பி

காணாமல்போன மீனவர்களின் உறவுகளுக்கு ஆறுதல் கூறிய ரவிகரன் எம்.பி

You may also like