தான் இதற்கு முன்னரும் நீதிமன்ற அவமதிப்பு குற்றத்திற்காக சிறை தண்டனை பெற்றிருந்தபோதிலும், அந்த எந்தவொரு சந்தர்ப்பத்திலும் சிறைக்குள்ளோ அல்லது வெளியிலோ தனது காவி உடையைக் கழற்றவில்லை என்று கலபொடஅத்தே ஞானசார தேரர் கூறியுள்ளார். ஜனாதிபதி பொதுமன்னிப்பு ரத்து செய்யப்பட்டு, நீதிமன்ற அவமதிப்பு குற்றத்திற்காக தற்போது சிறையில் அடைக்கப்பட்டுள்ள தேரரை சந்திப்பதற்காக தான் மெகசின் சிறைச்சாலைக்குச் சென்றபோது அவர் இதனைக் கூறியதாக சட்டத்தரணி சூலா அதிகாரி தெரிவிக்கிறார். பௌத்தத்திற்கு எதிரான தற்போதைய அரசாங்கத்திற்கு தனது காவி உடையைக் கழற்ற வேண்டிய பலத்த தேவை இருந்தபோதிலும், தான் இரண்டு மணி நேரத்திற்கும் மேலாக சிறைச்சாலை அதிகாரிகளுடன் காவி உடையைப் பாதுகாப்பதற்காகப் போராடியதாகவும், இறுதியில் தான் கழற்றி வீசிய காவி உடை சிறைச்சாலை மேற்கூரையின் மின் விசிறி ஒன்றில் தொங்கியதாகவும் ஞானசார தேரர் குறிப்பிட்டுள்ளார். அத்துடன், தனது காவி உடை கழற்றப்படும் விதம் யாரோ ஒருவரால் தொலைபேசியூடாகப் பார்க்கப்பட்டதாகவும், தனது காவி உடையைக் கழற்றி பௌத்தர்கள் மீதும் மகா சங்கத்தினர் மீதும் உள்ள தங்களது பகையைத் தீர்த்துக்கொள்ள அவர்கள் விரும்பியதாகவும் தேரர் தெரிவித்துள்ளார் . உபசம்பதா (முழுமையான துறவு நிலை) பெற்ற பிக்குவான தான் மீண்டும் காவி உடையை அணிவதாக இருந்தால், அது சடங்குரீதியாகவும் வழிமுறைகளுக்கு இணங்கவும் தனது நிக்காயவினால் (துறவுப் பிரிவினால்) செய்யப்பட வேண்டும் என்றும், அவ்வாறில்லாமல் யாரோ ஒருவர் மூலம் தான் மீண்டும் காவி உடையை அணியப் போவதில்லை என்றும் கலபொடஅத்தே ஞானசார தேரர் மேலும் தெரிவித்துள்ளார்.

இனிமேல் காவி உடையை அணியத் தயாரில்லை - கலபொடஅத்தே ஞானசார தேரர் !

இனிமேல் காவி உடையை அணியத் தயாரில்லை - கலபொடஅத்தே ஞானசார தேரர் !

You may also like