செம்மணி – சித்துப்பாத்தி மனிதப் புதைகுழியில் மேற்கொள்ளப்படவுள்ள மூன்றாம் கட்ட அகழ்வுப் பணிகளை ஆரம்பிப்பது தொடர்பான வழக்கு எதிர்வரும் மார்ச் மாதம் 16ஆம் திகதி விசாரணைக்கு எடுத்துக் கொள்ளப்படவுள்ளது. இது தொடர்பிலான வழக்கு இன்று காலை 9.30க்கு யாழ்ப்பாண நீதவான் நீதிமன்றில் நீதிவான் எஸ்.லெனின்குமார் முன்னிலையில்&nbsp;விசாரணைக்கு எடுத்துக் கொள்ளப்பட்டது. இதன்போது, இந்த மனிதப் புதை குழியில் மேற்கொள்ளப்பட்ட அகழ்வு தொடர்பில் மீளாய்வு செய்யப்பட்டது. இதனையடுத்து, குறித்த இடத்தில் தேங்கியிருந்த வெள்ள நீர் வெளியேற்றப்பட்டது. நல்லூர் பிரதேச சபை மற்றும் யாழ்ப்பாணம் மாநகர சபையின் கழிவுநீர் அகற்றும் பவுசர் வாகனங்கள் பயன்படுத்தப்பட்டு வெள்ளநீர் வெளியேற்றும் பணிகள் முன்னெடுக்கப்பட்டன. இதன்போது, வழக்கு விசாரணையை எதிர்வரும் மார்ச் மாதம் 16ஆம் திகதி விசாரணைக்கு எடுத்துக் கொள்ளுமாறு நீதிவான் உத்தரவிட்டுள்ளார். அன்றைய தினமே புதைகுழியில் மூன்றாம் கட்ட அகழ்வுப் பணிகளின் ஆரம்ப நடவடிக்கைகள் தொடர்பான தீர்மானங்கள் எடுக்கப்படவுள்ளன. இதனிடையே, யாழ்ப்பாணம் போதனா வைத்தியசாலையின் சட்ட வைத்திய அதிகாரி பிரணவன் செல்லையா, மூன்றாம் கட்ட அகழ்வுப் பணிகளுக்கான மதிப்பிடப்பட்ட வரவு செலவுத்திட்டத்தை இன்றைய தினம் நீதிமன்றத்தில் சமர்ப்பித்திருந்தார்.

செம்மணி மனிதப் புதைகுழி வழக்கு விசாரணைக்கு திகதியிடப்பட்டுள்ளது.

செம்மணி மனிதப் புதைகுழி வழக்கு விசாரணைக்கு திகதியிடப்பட்டுள்ளது.

You may also like