இந்த வருடத்தில் நீர் கட்டண அதிகரிப்பு எதுவும் இடம்பெறாது என வீடமைப்பு, நிர்மாணத்துறை மற்றும் நீர் வழங்கல் அமைச்சர் சுசில் ரணசிங்க தெரிவித்துள்ளார். ஒரு வருடத்தில் இரண்டு தடவைகளே நீர் கட்டணத் திருத்தங்கள் மேற்கொள்ளப்படுவதாகவும், அதன்படி அடுத்த கட்ட மீளாய்வு அல்லது திருத்தம் 2027 ஜனவரி முதலாம் திகதிக்குப் பின்னரே இடம்பெறும் என்றும் அவர் குறிப்பிட்டார். கண்டி, குண்டசாலைப் பகுதியில் நிலவும் நீர் தட்டுப்பாட்டுக்கு நிரந்தரத் தீர்வை வழங்கும் நோக்கில், பலகொல்ல நீர் சுத்திகரிப்பு நிலையத்தின் கொள்ளளவை அதிகரிக்கும் திட்டத்திற்கு நேற்று (14) அடிக்கல் நாட்டப்பட்டது. இதன் பின்னர் ஊடகங்களிடம் கருத்துத் தெரிவிக்கும்போதே அமைச்சர் இதனைத் தெரிவித்தார். நீர் வழங்கல் துறையில் சில உற்பத்திச் செலவுகள் அதிகரித்துள்ள போதிலும், நீர் கட்டணத்தை அதிகரிப்பதா அல்லது குறைப்பதா என்பது குறித்து எதிர்காலத்தில் தீர்மானிக்கப்படும். சுமார் 2 பில்லியன் ரூபா செலவில் முன்னெடுக்கப்படும் பலகொல்ல நீர் சுத்திகரிப்பு நிலைய விரிவாக்கத் திட்டத்தின் மூலம், குண்டசாலை மற்றும் அதனைச் சுற்றியுள்ள பகுதிகளுக்கு தொடர்ச்சியாக நீரை வழங்க முடியும் என எதிர்பார்க்கப்படுகிறது. மேலும், அடுத்த ஆண்டுக்கான வரவு செலவுத் திட்டத்தில் அபிவிருத்திப் பணிகளுக்காக 2,000 பில்லியன் ரூபா ஒதுக்கப்படும் எனவும், இதன் மூலம் நாட்டின் அபிவிருத்தித் திட்டங்களை முன்னெடுத்து மக்களின் பொருளாதாரத்தைப் பலப்படுத்த முடியும் எனவும் அமைச்சர் தெரிவித்தார்.

நீர் கட்டணம் தொடர்பில் வெளியான அறிவிப்பு

நீர் கட்டணம் தொடர்பில் வெளியான அறிவிப்பு

You may also like