காலி மீன்பிடி துறைமுக வளாகத்தில் உள்ள படகு பராமரிப்பு மையத்தில் இன்று (8) நண்பகல் வேளையில் ஏற்பட்ட தீ விபத்தில், சேவையிலிருந்து ஒதுக்கப்பட்ட ஏழு மீன்பிடிப் படகுகள்&nbsp;தீக்கிரையாகியுள்ளன. இச்சம்பவம் குறித்து காலி துறைமுக பொலிஸார் விசாரணைகளை ஆரம்பித்துள்ளனர். இருப்பினும், தீ விபத்துக்கான காரணம் இதுவரை கண்டறியப்படவில்லை. இந்த விபத்தில் எவருக்கும் காயங்களோ அல்லது உயிரிழப்புகளோ ஏற்படவில்லை என காலி பகுதிக்குப் பொறுப்பான பிரதிப் பொலிஸ் மா அதிபர் எச்.ஜி.ஏ. புஷ்பகுமார உறுதிப்படுத்தியுள்ளார். துறைமுக வளாகத்திற்குள் பயன்படுத்தப்பட முடியாமல் நிறுத்தி வைக்கப்பட்டுள்ள&nbsp;மீன்பிடிப் படகுகளின் உரிமையாளர்களை அழைத்து, அவை தொடர்ந்து அவ்விடத்தில் வைக்கப்பட்டிருந்தமைக்கான காரணங்களைக் கண்டறிய அதிகாரிகள் நடவடிக்கை எடுப்பார்கள் என்றும் அவர் மேலும் தெரிவித்தார்.இது தொடர்பான விரிவான அறிக்கை பின்னர் பொலிஸ் மா அதிபரிடம் சமர்ப்பிக்கப்படவுள்ளது. தீ பரவியதைத் தொடர்ந்து, காலி துறைமுக பொலிஸார், இலங்கை கடற்படையின் தெற்கு கடற்படைத் தளத்தின் பணியாளர்கள் மற்றும் உள்ளூர் மீனவ சமூகத்தினர் உடனடியாகச் செயற்பட்டு நிலைமையைக் கட்டுப்பாட்டுக்குள் கொண்டுவரவும், தீ மேலும் பரவாமல் தடுக்கவும் கூட்டு முயற்சிகளை மேற்கொண்டனர்.

Update காலி மீன்பிடி துறைமுகத்தில் ஏழு படகுகள் தீக்கிரை!

Update காலி மீன்பிடி துறைமுகத்தில் ஏழு படகுகள் தீக்கிரை!

You may also like