பண்டாரவளைப் பிரதேசத்திற்குட்பட்ட நாயாபெத்த தோட்டத்தில் மலையக மக்களுக்காக முன்னெடுக்கப்படும் வீட்டுத் திட்டத்தில் பாரபட்சம் நடைபெறுகின்றது என குற்றம்சாட்டி, அந்தப்பகுதி மக்கள் இன்று (30) கவனயீர்ப்பு போராட்டத்தில் ஈடுபட்டனர். தங்களது தோட்டத்திற்கு வெளியிலிருந்து வேலைக்கு வருபவர்களுக்கும், ஏற்கனவே வீடுகள் பெற்றவர்களுக்கும் மீண்டும் வீடுகள் வழங்கப்பட்டுள்ளதாக ஆர்ப்பாட்டத்தில் பங்கேற்றவர்கள் இதன்போது குற்றம் சுமத்தியுள்ளனர். இதனால் உண்மையில் வீடு தேவைப்படும் நிலையில் நீண்டகாலமாக தோட்டத்தில் வசித்து வரும் குடும்பங்கள் புறக்கணிக்கப்படுகின்றன. மேலும், வீட்டு திட்டங்களின் பயனாளிகளைத் தேர்வு செய்யும் செயல்முறையில் வெளிப்படைத்தன்மை இல்லை. தகுதியானவர்களுக்கு நீதி கிடைக்கவில்லை. போராட்டக்காரர்கள், நிரந்தரமாக தோட்டங்களில் வசித்து வரும் மக்களுக்கு முன்னுரிமை வழங்கப்பட வேண்டும். தற்போதைய பட்டியலை மறுபரிசீலனை செய்து, உரியவர்களுக்கு வீடுகள் வழங்கப்பட வேண்டும். இந்த விவகாரத்தில் சம்பந்தப்பட்ட அதிகாரிகள் உடனடி தலையீடு செய்து, நீதி நிலைநாட்ட நடவடிக்கை எடுக்க வேண்டும் எனவும் ஆர்ப்பாட்டத்தில் பங்கேற்றவர்கள் கோரிக்கை விடுத்துள்ளனர்.

மலையக வீட்டு திட்டத்தில் பாரபட்சம் - நாயாபெத்த மக்கள் போராட்டம்

மலையக வீட்டு திட்டத்தில் பாரபட்சம் - நாயாபெத்த மக்கள் போராட்டம்

You may also like